IZINKANYEZI SEBASTIAN JILI

NGABE WUSUKU LWAKHO LOKUZALWA NAMUHLA?

UYABONA ukuthi isimo sakho sekusasa sizoba noguquko. Uzowubona umehluko uma uzimisele ukuya phambili ngamandla. Bhekisisa ukuthi zinesigqi esinjani izinqumo ozithathayo.

ARIES (March 21-April 19)

UJWAYELE ukusebenza kanzima impela kunoma yini oyilungisayo. Ukuzifundisa ukulalela kungakwenza ufunde okuningi ezintweni ezikhulunywa ngabanye. Impilo yokuzimela yiyona ekunika inkululeko egcwele.

TAURUS (April 20-May 20)

UZAMA ngawo wonke amandla ukulwa nezimo ezikucindezelayo. Ungenza kahle uma ungachezukanga emigomeni obujwayele ukuhamba ngayo.

GEMINI (May 21-June 21)

KUKHONA ezinye izindaba ezimayelana nothando okumele uzibuyekeze. Kakumele ukuvumele ngempela ukuphikiswa kulokho okholelwa kukhona. Uzokubona ukuthi kunesidingo sokuba ugxile ekudleni okunempilo.

CANCER (June 21-July 22)

ZIFUNDISE ukuba nozwelo kwabanye osondelene nabo. Okumele ugxile kakhulu kukhona yilokho okuzokwakhela isithunzi. Uyathanda ukuthi abanye bakubone ukuthi unesigqi kangakanani kwamanye amagalelo.

LEO (July 23-August 22)

UMA ungasihleli kahle isikhathi sakho, uzobona sekunqwabelana okumele ukwenze. Unobuhlakani obuphelele ekudaleni injabulo lapho ukhona. Okunye uzokwenza ngomfutho omkhulu. Ungesabi ukulaleka imibono yabanye.

VIRGO (Augt 23-Sept 22)

ZAMA ukwenza umehluko ngempilo yakho. Uyakuthanda kwesinye isikhathi ukuba nezimfihlo kwabathile nokuphila impilo engaqondakali. Inkombandlela yempilo yakho kumele uhlale uyihlaziya. Kuyenyuka ukuzethemba kwakho.

LIBRA (Sept 23-Oct 22)

INGQONDO yakho ikhula njalo futhi iya ngokusabalala. Kukhona abanye ongase ubacebise ngamasu abangawalandela. Kumele uhlale ulwa nezilingo ezinhlobonhlobo empilweni yakho.

SCORPIO (Oct 23-Nov 21)

QAPHELA ukuthi ungaxhamazeli ekwenzeni kwakho ngoba ungangena kalula ephutheni. Uhlale uhlaziya kakhulu izimo zakho ezimayelana nezezimali. Balekela ukugxekwa ngokugwema imikhutshana ethe phecelezi.

SAGITTARIUS (Nov 22-Dec 21)

GWEMA amanye amaphutha ebudlelwaneni bakho. Uma uhudula izinyawo, amathuba amahle angakwedlula. Izindleko ongena kuzona zincike ebudlelwaneni onabo. Impendulo ikuwena ezintweni ezikuthuthukisayo.

CAPRICORN (Dec 22-Jan 19)

IGXATHU negxathu olithathayo ekunciphiseni izinkinga zakho, ikakhulukazi ezithinta izikweletu, limqoka. Zifundise ukulawula isikhathi sakho. Ubuchwepheshe bomqondo buzokusiza ukwazi ukubumba kahle izinhloso zakho.

AQUARIUS (Jan 20-Feb 18)

QAPHELA ukuthi imibono onayo ihambisana nezinhloso ezimsulwa. Vikela izinhloso zakho ngokugxila kokunobulungiswa. Impilo yakho izodinga ukusondelana nabathile ukuze bakucebebise ngokuzikhipha kwezinye izinkinga.

PISCES (Feb 19-March 20)

UKUNGABAZA kungakwenza uzibone usalele emuva nezinhlelo zakho. Bheka ukuthi yini umgogodla wekusasa lakho. Unemisebenzi eminingi kakhulu kodwa qiniseka ukuthi osukuthintile kuyaphumelela.