ABANTU MABABUKELE ENQUTHU

MHLELI: Ngifisa ukudlulisa uvo lwami ngengqopha-mlando nesifundo esenziwe ngamalunga eNkatha Freedom Party (IFP) eNquthu lapho obekuqhudelana khona yona, yi-African National Congress (ANC), yiDemocratic Alliance (DA), Economic Freedom Fighters (EFF), neNational Freedom Party (IFP) okhethweni lokuchibiyela ngenyanga edlule. Kangiyena umvoti weIFP kodwa indlela abantu base-Nquthu abaziphathe ngayo, ngibona sonke kumele sibukele kubona kuzona zonke izinketho esiba nazo.

Nakuba iNquthu iyisizinda seNkatha, kodwa komabonakude ubungafunga ukuthi noma yiliphi iqembu lizoziklamela nje lenze kahle ngokwemikhankaso ngoba bekungekho ophazamisa omunye. Emuva kokuzidayisa kosopolitiki, umvoti ube esezikhethela ukuthi uvotela bani kwethuka abaningi sekuphoxeka nosopolitiki abebethumele izijumbana zokudla, izingubo zokulala namanzi okube yinto enhle kodwa ngeshwa ebhokisini lokuvota kusuke kungasekho konke lokho. Ngiyabakhuthaza abantu ukuba bangaliyeki ithuba uma bephiwa izinto uma kuzoba nokhetho, uma sekuvotwa bacabangisise ngoba ukuvota yilona lodwa ithuba lokuzikhethela abafuna ukuphathwa nguyena. Masibashayele ihlombe abaseNquthu. Jabulani Ngesi, ESYDENHAM