NANSI IMIBONO KA-FACEBOOK NGODABA LOMFUNDI OXOSHELWE UKUTHI UTHE KUTHISHA WAKHE UMHLUKUMEZA SENGATHI NGUMNAKWABO
Bhekisisa Vincent MBatha: VELE phela uma ongqongqoshe bengawenzi umsebenzi wabo, sizobenzela thina ngoba bayaphuza ukuphendula. Kumele kudutshulwe izingane ukuze babone ukuthi othisha bahlukumezekile ezikoleni? Impela sisenkingeni singothisha, sizithola singavikelekile uma sizama ukuzivikela sesiyothola amaganyana ayiziswana kumqashi.
Phumlani Muthwenyongo Langa:
NGOBA umnyango wezemfundo uyasibona leso simo, ake ukhuphule amasokisi ngoba njalo le ndaba yawo yokuthi uma utshelwa ngemigilingwane eyenziwa ngothisha bese uphendula ngokuthi “bekungakafiki kithi lokho”, kuwenza ube yimbudane nothisha baqhubeke nokuzichachazela nje.
Emmanuel Michael Abraham:
INKINGA yipolitiki uqobo lwayo.
Empeleni uma inhlangano yothisha inikwa amandla okuba nomthelela emkhankasweni wepolitiki, ungaphinde ubajezise kanjani othisha abangawenzi umsebenzi ngoba phela uma unguthishanhloko oqotho, usasazelwa ngenhlangano yothisha. Lokho kuyakuthunaza kuqede nomfutho ugcine usuzibukela nje.
Thando C Znoh Hlangu: KABEKHO othisha abehlulwa wukufundisa kepha yizingane ezithile ezehlulwa wukufunda. Uthisha ngeke phela aguqule itshe elizifuzele abakubo alenze lifundiseke. Abantu mabayeke ukuzonda othisha ngalolu hlobo kodwa isiZulu siyasho ukuthi, “umlungisi uzithela isisila” “umbeki wenkosi akabusi nayo”. Othisha banivula amehlo nijike nibazonde.
Khatheh Xaba:
Njengothishanhloko
waseLokothwayo ozibona eseyinkosi, akatshelwa ufuna kube nguyena okutshelayo. Safa webakithi yile ndoda kwakungcono uMaNhlabathi.
Helicopter-yodumo Vuh Phungula KwaWoza:
UMNYANGO nawo unesandla kule nto ngoba uqasha othisha bese uhambela kude nabo, uze usondele ngoba sekonakele kakhulu futhi kumbe sekukhononda umphakathi ngezikole nothisha bazo. Le nto yomnyango yenza othisha bazenzele umathanda ezikoleni nasezinganeni.
YEBO bakhona ongqongqoshe! Hhayi bo ake basiyeke nje, sebekhathazile labo thisha, kakusebenzeki nabo bayinkinga nje. Ungathi sisagqilazwe wumbuso wamaBhunu.
Thembi Madlamini Nkwanyana: