Luqondiswe kubani olodado emini?
KUNEZINHLELO ezingenasidingo nhlobo ezimosha umoya. Okubi wukuthi lokhu kakubonwa nje ngongqeqe kuphela kodwa kubonwa nayithi esiwumphakathi ojwayelekile.
Ngivakashele le ngakithi ngesonto eledlule, ngithe ngizishayelwa umoya nezinsizwa zendawo kwalokhu kubelesele odado oKhozini FM.
Enye yalezi zinsizwa ize yaphahluka yathi ngempela uKhozi FM lucabangani ngalolu hlelo ngoba phela izingane zisuke zisesikoleni. Ngubani ngempela olalela lolu hlelo emini yasekuse- ni ngoba abanikazi balo basuke besesikoleni.
AboKhozi FM kusamele balubuyekeze lolu hlelo, lu- useless. Enye yalezi zinsizwa, enguthisha, ize yenza ihlaya ngokuthi bangathini nje abahloli uma kungathiwa kunesikhathi esichithwa yizingane zilalela umsakazo.
UZandile Tembe, ongumphathi wezinhlelo kulesi siteshi, kusamele acabange kabusha. Yinhle i- concept yohlelo kodwa abanikazi balo basuke bengekho. Kungakuhle kubhekwe isikhathi esibafanele odado.