USAZOSEBENZA NGOKUZIKHANDLA YIZE ESETHOLE IGOLIDE USANDS
WENZA ezibukwayo ongumafikizolo kwezomculo njengoba esevele washaya igolide ngesikhashanyana efikile emculweni.
USands ( osesithombeni) ongumculi odabuka eSwaziland uthi kawukho umlingo enza ngawo kodwa wukusebenzisana nethimba elizimisele okuholele ekubeni kube nezithelo ezi-nhle.
USands ongenise emculweni ngengoma ethi Vuma waphinde wasanganisa abantu ngethi Tigi uthi bekungelula ngesikhathi esaqala emculweni kodwa ukusebenza kanzima kumthathe kwambeka kwelinye izinga. Ephawula kwi-
nokungelinye lamaphephandaba aqala ukuba nengxoxo nawo ngesikhathi eqala ukugqama uthi ukufinyelela ekudayiseni igolide yinto abengakayicabangi kwazise usafika emculweni.
“Ngijabule kakhulu ngokuthi ngibe nempumelelo engaka ezweni engingazalelwanga kulo. Indlela abantu abangamukele ngayo ingijabulisile futhi ngizizwa ngithobekile,” kusho yena ngomlomo wemenenja yakhe uPhila Koshin.
Uthi njengoba esekwazi ukuba adayise igolide ngezinyanga ezi- mbili kuningi aseza nakho.
“Ngisazoqhubeka nengikwazi kangcono okuwumculo.
Ukushaya igolide kakusho ukuthi sengizophumula. Ngisazobonakala ezinhlelweni zikamabonakude nasemidlalweni ewuchungechunge,” esho.
Ephawula ngezindaba ezike zasabalala ezithi uSands wedlulile emhlabeni uthi:
“Miningi kakhulu imiyalezo engiyithole ocingweni isiduduza ngokudlula emhlabeni kukaSands. Engingakusho wukuthi kabeze bazozibonela ngamehlo uSands enza ezibukwayo kwi-Durban July ngempelasonto. Asikaqedi, sisaqhubeka nomculo,” esho.