IBafana izodlala omqoka eThekwini
Izobhekana neCape Verde kowokuhlungela iNdebe yoMhlaba
ITHEKU ligixabezwe ngomdlalo omqoka weBafana Bafana neCape Verde Islands wokuhlungela iNdebe yoMhlaba ozokuba ngomhla ziyisi-5 kuMandulo (September) eMoses Mabhida Stadium.
Owomlenze wokuqala uzokuba mhla lulunye enyangeni efanayo ekuhambeni.
UDanny Jordaan onguMengameli weSouth African Football Association (Safa) ubekhuluma ngesimo sale nhlangano nabezindaba izolo ngoLwesithathu eGoli.
Ubuholi bakhe bungene ehhovisi ngonyaka wezi-2013. Bube nenkinga yokulahlekelwa ngabakwaPuma nabakwa-Absa. Lokhu kulahlekisele le nhlangano ngoR60 million. Ngalowo nyaka kalikho nelilodwa iqembu lesizwe elingene emiqhudelwaneni yaseAfrika nakweyomhlaba.
Lesi simo siholele ekutheni iSafa izinuke amakhwapha yase iphasisa uhlelo lwe-vision 2022 ngonyaka wezi-2014 eCape Town.
Lolu hlelo lube nezithelo ezinhle njengoba isikwati sika-U/17 singene kwiNdebe yoMhlaba ngonyaka wezi-2015 eChile kwathi AmaJita (SA U/20) angena kwiNdebe yoMhlaba esanda kusongwa eSouth Korea. IBafana ingene kwi-Africa Cup of Nations (Afcon) ngowezi-2015 e-Equatorial Guinea.
Isikwati sika-U/17 singene kwiAfcon ngowezi-2015, kwathi AmaJita adlala kwi-Afcon kophezulu eZambia.
IBanyana ibiyingxenye yemi- UGABE ngesipiliyoni sase-Europe umdlali weBafana Bafana elwela ukuvikela ngempumelelo isicoco seCosafa Cup eqhubeka eNorth West.
IBafana izobhekana nozoqeda eqhwakele kwi-group A emdlalweni we-quarter final ozokuba ngeSonto ngo-15h00 eMoruleng Stadium.
IBafana ilinde ozonqoba u-group A phakathi kweMalawi ezodlala ne-Angola namuhla ngo17h00 eRoyal Bafokeng Stadium kanjalo neTanzania ezobhekana neMauritius ngesikhathi esifanayo eMoruleng Stadium. Kuqhwakele iTanzania ngamaphuzu amane, isibili kube yi-Angola ngamaphuzu alinganayo kuthi iMauritius ibe yisithathu ngephuzu. IMalawi ibambe ibhuleki ngephuzu elilodwa.
ULehlohonolo Masalesa ogijima kwiBafana, uthi ubona ezakhe zizosivikela kalula lesi sicoco. UMasalesa uhambe kuleli kungasemnandi esuka kwi-Orlando Pirates abesephenduke ifenisha kuyona. Ujoyine i-AEL FC yaseGreece. dlalo yase-Afrika ebibanjelwe eNamibia ngowezi-2014 naseCameroon ngonyaka odlule, kanti ibibambe iqhaza kuma-Olympic Game abengonyaka odlule eBrazil. Isikwati sika-U/23 naso besikhona kuma-Olympic nyakenye.
UJordaan ukholwa wukuthi le nhlangano isayibambe ngakho ezinhlelweni zayo zokuzama ukuqinisekisa ukuthi unobhutshuzwayo waseNingizimu Afrika ubuyelwa yisithunzi emhlabeni.
Nakuba uJordaan ebekhuluma ngokuhle okwenzeka ebholeni lakuleli selokhu ethathe izintambo kuKirsten Nematandani kodwa lo mholi kubukeka ehluleka ukuxazulula inkinga ebhekene neSafa eThekwini enobuholi obubili bukaMazwi Mkhize obuzinze eCurries Fountain nobuka-Alpha Mchunu obushaya amaphiko eHoy Park.
OWEBAFANA UGABE NGESIPILIYONI SASE-EUROPE KWI-COSAFA
Lo mdlali ukhuze ibuya kwiBafana ngemuva kokuqokwa nguStuart Baxter.
Ugcine ukudlala kulesi sikwati sisacijwa nguPitso “Jingles” Mosimane oseyibambe kwiMamelodi Sundowns.
Akalitholanga ithuba kuGordon Igesund kanjalo naku-Ephraim “Shakes” Mashaba oshenxiswe ngasekupheleni konyaka odlule.
Uthi ufuna ukukhombisa abathandi bakanobhutshuzwayo kuleli ukuthi usenalo ikhono kulo mdlalo.
Uthi kungaba kuhle kakhulu ukuvikela lesi sicoco. Uthi okuhle wukuthi iqembu labo lakhiwe ngabadlali abaningi abasebancane kubalwa nabaphuma kumaJita (SA U/20) abebekade bedlala kweyeNdebe yoMhlaba ebimuva nje eSouth Korea.
Ebuzwa mayelana nekusasa lakhe uMasalesa, uthe kungenzeka abuyele ekilabhini yakhe kumbe aqhubekele phambili e-Europe.
UBaxter ololonga iBafana, uthi ufuna leli qembu lenze kahle kuyona yonke imiqhudelwano elibamba iqhaza kuyona hhayi ukwandisa isibalo nje.