UKUBA I-ANC IWINILE BENIZOTHINI?
Uma kube njalo, abasakazi behambisana nabahlaziyi, bayama kukho baze bagcizelele ukuthi i-ANC isingenisile ngempela emakhaya. Manje kungani uma imiphumela ivuna i-IFP bese becasha?
Omunye umhlaziyi uthe ukwehlulwa kweANC ngamandla yingenxa yezinxushunxushu ngaphakathi eqenjini. Lokho ngeshwa kakuzange kushiwo noma kuqagulwe ngaphambi kokhetho.
Ukuba i-ANC yenze kahle kokubili bekuzoshiwo yini? I-ANC bekumele iwine ngamalengiso eNquthu ngenxa yokukhankasa ngezijumbana zokudla, yizinsiza zikahulumeni nokunye kodwa kwangenzeka.
Abantu baseNquthu bebekhombisa ukuthi kabazona izithutha ovele uzozinameka ngodaka, kuthi uma sewuwelile ngaphesheya komfula bese uthi ‘’Ge ge ge! Naze nangiweza phela!’’ mdonsiswano ubudalwa ngamabomu ngezinhloso ezithile. Ngaphambi kokuba lufike ukhetho nohulumeni wesifundazwe ubusuwakhile lena eNquthu, uye ngazo izethembiso ezinongwe ngamanga ezaqala ngowe1994.
Nantu-ke uKhozi FM s eluduma la, selunga s amemeze linjengoba kade lwaqala u kubikezela. S isaga d elapho nakhu-ke s ekunikwa abahlaziyi ithuba lokubeka ngemiphumela yokhetho. Esikhundleni sokuba bakhulume amaqiniso njengoba enjalo, bona bathatha uhlangothi bathi bekufanele ukuba iNkatha Freedom Party (IFP) iwine ngoba kusesizindeni sayo.
Amazwi anjena kangiwalindele kumuntu obuka kuwona wonke amacala kodwa alindeleke kumuntu oyimbangi ye-IFP. Kukaningi i-African National Congress (ANC) iphatha ezindaweni ebezaziwa ngokuthi yizizinda zeNkatha. MHLELI: Kunento exakayo eyenziwa ngabantu abazibiza ngabahlaziyi abavele bakhulumele iqembu lezombusazwe isinyenyela, baveze ukuthi balithanda kanjani.
Kumele baqale batshinge uthando lweqembu kuqala yikhona izozwakala into abayihlaziyayo. Ukuhlaziya lokhu kusho ukuthi kumele ube ngumuntu obuka wonke amacala, kungakhathalekile ukuthi into oyihlaziyayo izoshaya iqembu lakho.
Uma kuwukuthi sikhona isikole sabahlaziyi kumele sazi ukuthi sikhiqiza umkhiqizo odukisayo futhi ongasakhi isizwe. Mayelana nokhetho obeluseNquthu, nginakile ukuthi kusukela emuva komhla zintathu kuNcwaba (August) wezi-2016 - sisuka okhethweni lohulumeni basekhaya.
Kube nezinxushunxushu kungahlaleki kuMasipala waseNquthu, obekwenza ukuba nesifunda uMzinyathi singazinzi. Uze wahlakazwa uMasipala waseNquthu. Lowo