Ingqungquthela ye-ANC igulise irandi
Bavuma eyokuba ibhange lombuso libe sezandleni zikahulumeni
INTUTHU eshunqe engqungqutheleni ye-African National Congress (ANC) izolo ngoLwesithathu, eNasrec, eGoli, ixhophe irandi ladunguzela njengoba silobe selehlelwe ngamandla lisuka ku-R13.18 liya ku-R13.40 uma liqhathaniswa ne-dola lase-United States of America (USA).
Lo mkhuhlane werandi udalwe yisimemezelo se-ANC kule ngqungquthela eqale ngoLwesihlanu olwedlule yaphela khona izolo, sokuthi iyavumelana nokuba kuphele ukuzimela kwebhange lombuso kodwa libe ngaphansi kukahulumeni.
Njengoba irandi bekuvukwe liwu-R13.18 izolo, sileobe beseliwu-13.40 uma liqhathaniswa nedola lase-USA, okuwukwehla ngo1.7%, liwu-R17.29 uma liqhathaniswa nopondo waseBritain - lehle ngo-1.5%, layohlala ku-R15.16 uma liqhatha-niswa ne-Euro - lehle ngo-1.3%.
Inhloko yekomiti le-ANC elibheke ezokuguqulwa komnotho, uMnu Enoch Godongwana, ithe kufana nokukhunkula uqobo ukuthi isakhiwo esifana nebhange lombuso sizimele, wathi uma selisezandleni zikahulumeni lizolawuleka kangcono.
Umhlaziyi wezomnotho eNomura International, uMnu Peter Attard Montalto, uthe ukugudluza abanikazi bezabelo abazimele kuleli bhange, umthelela wakho ngeke usheshe ubonakale.
“Kungase kubonakale njengendlela ebheke ezweni loju,” ku- sho yena. Ngaphambi kokuba le ngqungquthela iqale, uMnu Attard Montalto uxwayise ngokuthi ukuzimela kwaleli bhange yikhona okuzobe kusematheni, kwazise labo abahambisana noMengameli Jacob Zuma bazimisele ngokuthola uxhaso lwezimali.
“Abeseka uMengameli Zuma babona ibhange lombuso njengomgoqo ekuguquleni umnotho ngokushesha, kubalwa nokuvumela amabhange ukuba abe nemithetho eqinile yokubolekisa ngemali okuyinto ebonakala njengesiphazamiso kosomabhizinisi abancane abampisholo nosozimboni abamnyama, nanokuthi kaliyifaki ingcindezi emabhange ukuba adedele ubuholi obumpisholo,” kusho yena.
Abeseka uMengameli Jacob Zuma babona ibhange lombuso njengo...