ODABENI mayelana nokuqokwa kwesilomo sikamasikandi uKhuzani “iNdlamlenze” Mpungose ukuba yinxusa emkhankasweni wamadoda, Ubuntu Initiative, nansi imibono yakuFacebook:
Helicopter-yodumo Vuh Phungula
KwaWoza: HALALA Khuba ngokuba yinxusa, sebekubeke endaweni enhle yokukhuza ulaka olubhekiswe kwabesifazane. Siyakwethemba uzowuphusha lo mshikashika ube yimpumelelo ngoba unekhono, kuphele ukuhlukunyezwa kwabesifazane nezingane.
Thabani Zulu: UKHUZANI ungaphezu kwakhe lo msebenzi, ubudinga oThokozani Langa asebeganiwe. UKhuzani uzositshela kanjani ukuthi masenzenjani ngabesifazane ekubeni yena esajola engakaganwa?
Nyawose Cbuh: KAKUSHO ukuthi kumele uze ube nomfazi ukuze ukhu- lume namadoda.
Sifiso Zungu: THINA sifuna umlayezo wakhe uKhuzani, oqhamuka kuyena, hhayi kumfazi wakhe.
Vusi Zulu: SIYAMBONGELA umfo kaMpungose yinhle into ayenzayo, nathi singobaba sengathi singasebenzisana naye.
Khulekani Imbongiyodumo Nhleko:
SENGATHI bonke abesilisa bangezwa, nalaba abahlukumeza abesifazane bayiyeke le nto.
Ryt X Ryt: SIMBONGELE umfana waseMandaba ngempumelelo yakhe. Ngiyethemba uKhuzani uzozimisela ekwexwayiseni abesilisa. Phambili Khuba!
Promise Mbatha: IMALI izongena kwaMpungose, kwakuhle. Kazi ukuba basekhona abazali bakhe ngabe banjani nje wukujabula ngomntanabo, hheyi madoda!
Manqoba Sgadla: UYISBONELO esihle mfana entsheni esakhula ngenhlonipho nokuzehlisa, yilokho okukwakhela ugazi lapha eNingizimu Afrika. Qhubeka udlale ingoma eneNkosi phakathi Khuba.
Sbusiso Motha: UKHUZANI ukhethwe eningini bafowethu futhi wayevele eshilo ukuthi la emculweni akafikanga naludlame yena, wabona sebemethuka. Manje-ke usebekiwe waba yinxusa lezinkulumo zamadoda.