NGABE WUSUKU LWAKHO LOKUZALWA NAMUHLA? LIBRA (Sept 23-Oct 22)

IMPILO yakho inokubambezeleka kokuningi okumele kwenzeke. Ukuzethemba kwakho kuya ngokwenyuka kakhulu. Lapho obonayo ukuthi kakuhambi kahle khona, kuzomele wenze ngokusemandleni ukuba ulungise ngempela.

ARIES (March 21-April 19)

KUKHONA imiphumela oyilindile ngezinto ezithile. Uzobona sengathi amandla aphezulu anokuxhumana nangaphakathi kuwena. Ithemba lakho lizobuyiswa wukuthi kunezigaba okusamele udlule kuzona empilweni yakho.

TAURUS (April 20-May 20)

OKUMELE ukuqonde wukuthi nabanye bayakwazi ukucabanga. Uzozizwa ubuyelwa yithemba elikhulu ngempilo. Ubuhlakani onabo bubuye bulimaze abanye. Uzobona ukuthi ukujulisa ingqondo kuzokuvezela izinhlelo eziqhubekayo.

GEMINI (May 21-June 21)

ISIMO sakho esimayelana nezezimali ubuye ungasiqondi. Uzozibophezela ngempela ukulungisa konke okungalungile okuthinta impilo yakho. Ungenza kahle uma ungachezukanga emigomeni emidala ethinta impilo yakho.

CANCER (June 21-July 22)

UYAKWAZI ukubhekana nezinto eziningi ezahlukene empilweni. Kuzokusebenzela ukubuyekeza konke okumayelana nobudlelwano bakho. Kungakusimamisa ukuzisondeza kwakho nabantu abanomqondo ovuthiwe.

LEO (July 23-August 22)

UZOKULANGAZELELA ukuhlala nabantu abanamaphupho amakhulu empilweni. Impilo yakho ingathola ukugculiseka uma ubona ukuthi kumele wenze uguquko. Uyazazi ukuthi uma uphatheke kabi kuba nzima ukuxola kalula.

VIRGO (Augt 23-Sept 22)

UYAZIBONA ezinye izindima osuzikhathulile. Impilo yakho ibuswa kakhulu ngezokuxhumana ngezindlela ezahlukene. Kuzokusiza ukuba nomgomo nezizathu ezimqoka kunoma yini oyenzayo. Kunesinqumo okumele usithathe. YONKE imisebenzi okumele uyifeze, yisikhathi sokuba ugxile ngamandla kuyona. Uthando lwakho luzoba yilokhu okucabangayo. Uzobona sengathi sekuseduze ukufika lapho ophokophelele khona. Lungisa amaphutha onawo.

SCORPIO (Oct 23-Nov 21)

KUNEZINYE izimo okumele ungazikhathazi ngazo. Yonke imisebenzi okumele uyifeze kuzodingeka ugxile ngempela kuyona manje. Inkuthalo yakho nokulandela izinhlelo zakho kumele kugqame kakhulu manje.

SAGITTARIUS (Nov 22-Dec 21)

YENZA lokhu okufika kuqala okungakuholela empumelelweni. Kunezinguquko ezishesha kakhulu ozibonayo empilweni yakho. Kudingeka udle amathambo engqondo ngezinto ezimayelana nezinhlelo zakho.

CAPRICORN (Dec 22-Jan 19)

UNGUMUNTU obonayo ukuthi bahlale benakene nezindaba zakho noma isidingo singekho. Ukukholelwa ezinqumeni zakho kuzokwenza uzethembe.

AQUARIUS (Jan 20-Feb 18)

UKUSEBENZISA kahle umqondo wakho kungakuhlomulisa kakhulu. Uyakwazi ukulandela okufika kuqala empilweni bese kuba lula ukubona amathuba empumelelo. Uma ukhandleka, lokho kusho umvuzo omkhulu empilweni.

PISCES (Feb 19-March 20)

ZIFUNDISE ukubambelela kulokho okuyinsika yengqondo yakho. Kuzomele uyigade ngempela imicabango yakho ukuthi kayiphenduki isitha sakho. Kuzoba nomehluko omkhulu uma ufingqa imikhono ulwele okulungile.