IRichards Bay FC ihloma ngabodumo kwiPSL
NoThami Sangweni osanda kujoyina i-Orlando Pirates ngibone elithinta kamnandi ngachazeka ngingakaboni ukuthi nguyena. Ngidumalile sengibona ukuthi kanti ngumdlali wePremiership,” kusho uNcikazi.
Lo mqeqeshi unxuswe nguZibuse Ncube onguSihlalo weSouth African Schools Football Association (Sasfa) KwaZulu-Natal ukusiza ngamaqhinga iMophela Primary yaseHammarsdale entshonalanga yeTheku ezomela elakuleli emidlalweni yomhlaba yeDanone Nations U/12 ngoMandulo (September) e-United States of America (USA). IHLOMA ngabadlali abanohlonzo iRichards Bay FC engomakoti kwiNational First Division (NFD) njengoba ithathe ilungelo lamaZulu FC lokugijima kulesi sigaba emuva kokuba uSuthu luthenge eleThanda Royal Zulu lokuyibamba kwi-Absa Premiership.
ILANGA lithole ukuthi le kilabhu kaSifiso “Jomo” Biyela obeyisikhulu esiphezulu kwiThanda ebeyenganyelwe nguPierre Delvaux waseSweden, isiqashe abasizi bakaRoger Sikhakhane ozokuba ngumqeqeshi wale kilabhu. Iqashe uNunu Mtshali noNkosenhle Ngema abazalwa eMpangeni.
Laba baqeqeshi bazojoyina ithimba likaSikhakhane olekelelwa nguJomo Ntuli noSipho Zimba obhekene nonozinti kule kilabhu.
Kulindeleke ukuba uRichard Makhoba atheleke eRichards Bay namuhla ngoMsombuluko ukuyoqala emsebenzini omusha wokuba yiMenenja-jikelele kule kilabhu okulindeleke ukuba yethulwe maduzane ngokusemthethweni.
Ibuye yahlabana ngabadlali kubalwa uSandile Mthethwa waseRichards Bay obolekiswe yiOrlando Pirates, uKhayelihle Shozi weMamelodi Sundowns ebimbolekise kwiBlack Leopards ngesizini edlule, uStanley Muishond ongumgadli abamsayinise ngokugcwele esuka kwiStellenbosch FC yaseCape Town ayisize yafinyelela kweyokuhlungela ukunyukela kwiPremiership eyihlohlela amagoli amqoka. Lo mdlali uhambe phambili ngesizini edlule ngokuhlohla amagoli kwiStellenbosch.
Lezi zindaba ziqinisekiswe nguBiyela othe baqale ngeledlule ukujima nakuba udaba lokuphasiswa kokudayiselwana lumenyezelwe ngokusemthethweni ngoLwesine yiPremier Soccer League (PSL).
ULucky Nguzana waKwaNdengezi entshonalanga yeTheku uzama inhlanhla kwiBaroka FC esinde sekuvalwe amehlo ezembeni ngesizini edlule. Lo mdlali usegcugce emakilabhini amaningi kubalwa kwiSundowns, kumaZulu FC, FC Cape Town ukukha nje phezulu.