BALWELA UKUSIKA IPHETHINI KWI-SUNDOWNS
ILWELA ukusika iphethini kwiMamelodi Sundowns iSuperSport United engene kuma- quarter final eCaf Confederations Cup ihlula iCF Mounana yaseGabon ngo-4-1 ngoMgqibelo ntambama eLucas Moripe Stadium, e-Atteridgeville.
Izobhekana neZesco United yaseZambia kuma- quarter final alo mqhudelwano ezobuyela kuwona nangonyaka ozayo njengoba iyizingqwele zeNedbank Cup.
Amatsatsantsa angene esigabeni somkhumulajezi ngamagoli abhajiswe ezintanjeni nguBradley Grobler ngomzuzu we-14, uThabo Mnyamane ngowama-27 namabili kaJeremy Brockie ngowama-34 nowama-45 kuyiphenathi.
U-Aubrey Modiba olihlikihla emuva kwiSuperSport utshele ILANGA ukuthi ukwenza kahle komakhelwane babo e-Afrika, kubafaka ugqozi lokuhamba ezinyathelweni zabo, bamele elakuleli ngempumelelo kulo mqhudelwano asebesele bodwa kuwona njengoba seyiphumile iPlatinum Stars.
ISundowns imele elakuleli kwiCaf Champions League kanti nayo seyingenile esigabeni sama- quarter final. Abaningi bakholwa wukuthi kungaba yinto enhle ukuthi amakilabhu asePretoria aqukule izinkomishi zase-Afrika ngokwahlukana okungenza ahlangane koweCaf Super Cup. Ngokungena kuma- quarter final, iSuperSport ithole u-R4,7 million.
“Sijabule kakhulu ngokungena kuma- quarter final, kusho lukhulu ekilabhini. Nokho sizimisele ngokuhamba ibanga elide,” kusho uModiba.
Le kilabhu inikwe ikhefu kuze kube wumhla zingama-20 kwephezulu ukukhokha umoya njengoba emasontweni amabili edlule igijime owamanqamu weNedbank Cup yanenebula kanzima i-Orlando Pirates ngo4-1 eThekwini. Kulo mdlalo weMounana bekuhleli ebhentshini uKaitano Tembo oyisekela lika-Eric Tinkler osanda kuqokwa njengenhloko. UTinkler ubehlezi ezihlweleni kulo mdlalo.
Le kilabhu inikwe ikhefu kuze kube wumhla zingama-20 kwephezulu ukukhokha umoya njengoba ibimatasa ngeNedbank neyeCaf...