MAKUBE NESIVUNO ESILETHA INKECE ENSIMINI YASEKHAYA EXUBILE
NJENGOBA sikuNtulikazi (July), kusobala ukuthi ubusika sebuyadlula ngakho-ke umlimi obehlele uhlaka lokusebenza lwalo nyaka sekumele aqinisekise ukuthi imiquba namakhomposti sekulungile ezinqolobaneni.
Umlimi kumele alindele ukuthi uma ubusika kade bubanda ngokungavamile, kukhona izitshalo ezizozwela njengopelepele, ongase ube nenkinga uma lithwasa ihlobo.
Angithi phela sasishilo ngokudlule ukuthi uma upelepele utshalwe endaweni ebayithunzi ebusika, uvama ukuhlukumezeka uphuze ngisho nokuqalisa amaqabunga uma kuthwasa ihlobo.
Uma umlimi eba nale nkinga, kungcono izihlahla zikapelepele azisikele indawo eyisigcaki elangeni lasebusika.
Kuzoya ngokuthi mngakanani lo pelepele nanokuthi ngabe ngowokuhweba noma ngowokudla nje ekhaya nomakhelwane.
Abanye abalimi bayaye banike izihlahla zikapelepele ukufudumala ngesikhathi sokubanda njengo- kuthi nje bazimbe izihlahla bayozitshala lapho kunokuthokomala khona, buze budlule ubusika.
Ngesikhathi sithokomalisiwe isitshalo sika pele pele, kumele u sondle nge sikhuthaza k ha ba esenele ukuze amagatsha amasha akhuthale ukuveza amaqabunga amaningi amasha, okuyothi uma kuthwasa ihlobo, kube wukuthi seziyaqhakaza zithela upelepele omusha.
Noma kungaze kube njalo, ngicabanga ukuthi ngeke kubelula ukuthutha izitshalo uma ngabe kuw udedangendlale wensimu. Kungaba wukuthi
uma umlimi efuna ukukhiqiza adayise upelepele kufanele ngesikhathi ehlela insimu engakatshali, aqinisekise ukuthi utshala endaweni enesigcaki unyaka wonke lapho kungavunguzi kudlule ngesivinini lo moya ovela eningizimu obandayo ngisho nasehlobo.
Lokhu kusibuyisela ekutheni singazidinga izihlahla ensimini kapelepele ukuze zibe yizithiyamoya.
Zikhona ezinye izinzuzo ezenziwa wupelepele ensimini.
Angithi izinambuzane eziningi ezicekela phansi isivuno kazizwani nopelepele nogaligi, ngakho-ke enye yezinzuzo zokuwutshala wukuthi ungaba yisikhali sokulwa impi yalezi zinambuzane ukuze zingasondeli.
Kungaba ngesikhathi usatshaliwe noma nxa sewuthelile upelepele.
Angithi phela uyakwazi ukuwugaya uwuxube nogaligi bese wenza isifutho. Ziningi izinhlobo zocwaningo ezibonisayo ukuthi upelepele unemithelela emihle ekwehliseni izinga lamahlalakhona ezifo emizimbeni yabantu.
Ukubala olulodwa ucwaningo olwenziwa yi-University of Tasmania ngoNtulikazi wezi-2000, kuthiwa upelepele unawo amandla okwehlisa izinga leinsulini (insulin) emizimbeni, okungaba yinto enhle kulabo abanenkinga yamazinga angalawuleki e-insulini emzimbeni.