IZIMEMEZELO
UMHLANGANO WAMALUTHELA ESEKETHE LASEMPANGENI
KWAZISWA wonke amadoda eSekethe laseMpangeni phansi kwebandla lamaLuthela ukuthi umhlangano wawo uzokuba sesifundeni iSt Matthews, esikoleni eMpangeni Preparatory kusukela kusasa ngoLwesihlanu kuze kube ngeSonto. Ngemibuzo shayela umsakazi wezindaba zebandla, uSMC Ntshangase kwethi: 082 775 3821.
WORLD GOSPEL POWERHOUSE
LE nhlangano yethula ingqungquthela yamadoda "Man to Man” yokuphetha inyanga yamadoda ezokuba sesontweni i-Ambassadors House Ministries ku-3rd Floor B, Nichol Square Parking ekhoneni lemigwaqo uPine, Broad noCommercial ngoMgqibelo ngele-12 emini. Ngemibuzo shayela uNkz Wendy Sithole kulezi zinombolo: 072 232 2252 noma (031) 303 3520 noma 081 846 1824.
INKONZO YOKUBONGA YEBANDLA LASEROMA ELIKHATHOLIKA
KWAZISWA amalunga aleli bandla ngenkonzo yokubonga kuFata Simon Shokwakhe Khubone ezokuba seHlabeni, eMakhuzeni, phansi kweCentocow Mission ngokuphumelela kwakhe ukuba ngumpriste waleli bandla eQueenstown. Okhipha lesi saziso nguNtobeko Chrysostomus.
HOLY GHOST CHURCH OF CHRIST
KWAZISWA abazalwane baleli bandla ngenkonzo yalo yokubonga kubazalwane ababe nesandla ekwakhiweni kwendlu yalo ezokuba KwaNyuswa, eBotha’s Hill mhla ziyisi-9 kuNcwaba (August) ngele-10 ekuseni. Ngemibuzo shayela uPW Khoza kwethi: 083
----------------------------------------------------------- UMHLANGANO WABAKWA ZIKODE
KUMENYWA bonke abesibongo sakwaZikode, Kunene noMgoza emhlanganweni wabo omayelana nomlando ngemvelaphi yabo, ozokuba seBethany, eBergville namuhla ngoLwesine ligamenxe elesi-9 ekuseni. Ngemibuzo shayela uSiboniso Zikode kwethi: 073 016 2908 noma uZazi Zikode kwethi: 073 148 0801.
MUTHANDE SOCIETY FOR THE AGED
LE nhlangano yazisa bonke abantu ngomhlangano wayo wonyaka wama-35 ozokuba sesikhungweni sayo kwaNo.10 Langa Place, eLamontville mhla zingama-26 kuNcwaba ngele10 ekuseni.
BAYABONGA ABAKWANDIMA
UPHENDU Ndima udlulisa ukubonga kubantwana bakadadewabo, ikakhulukazi uBongiwe noNcamsile Dlamini ngokunjalo noSfiso noNdumiso nomndeni wonke wakwaNdima abebebambisene naye njengoba bekwembulwa itshe likanina, uSarafina Ndima eMfongosi eNkandla mhla zili-15 kwephezulu.
BAYABONGA EMPHAKATHINI WASENONDWENI
UMFU Jeli Nicholas Mbatha udlulisa ukubonga enkosini yendawo, abaphathi bamatshitshi nakuwona amatshitshi nazo zonke izihambeli ebezisemcimbini womemulo kaSinothile Sthandwa Mbatha mhla zingama-25 kuNhlangulana (June).