KHUTHAZA UKONDLEKA KOMHLABATHI N
SESIKE sasiphinda lesi siqephu izikhathi ezimbalwa, nokho-ke, basalokhu becelile abafundi abayidlanzana ukuba sisiphinde futhi. Njengoba sesazi-ke manje, indlela yechabuthi ilandela imigomo ekhuthaza ukunakekela imvelo yonke, kuhlanganise nezidalwa zonke emhlabeni nazo zonke izimila.
Kulesi sigaba sizobheka izilokazane esingazinakile, iminyundu. Imfihlo wukuthi iminyundu ikhipha indle esingayibiza ngokuthi yigolide ngoba inenani elingalinganiswa ngaphezu kwegolide uma sesihlolisisa inzuzo yayo. Umnyundu ufana nemboni ekhiqizayo ngoba uma uwondle ngezidlo ezithile, isisu sawo sigaya lokhu kudla bese ukhipha indle nomchamo esingakufanisa nomnotho ebantwini nasemhlabathini. Yakha isibaya sokufuya umnyundu ukuze ukwazi ukuwondla uze uvune nendle yawo ozokwazi ukondla ngayo umhlabathi.
Izinto ezingasetshenziswa njengezibaya zokufuya iminyundu; ngamabhokisi akhiwe ngamapulangwe, yimigqomo kadoti yeplastiki, wumgodi wezibi, yizindunduma nemisele. Le ndlela yokwakha izakhamzimba zomhlabathi isiza umphakathi jikelele ngoba phela ezinye izibi ezilahlwayo zigcine zingcolise izindawo esihlala kuzona, ziyaqoqeka zingabangi ubunuku nokungcola emphakathini. Ukufuya iminyundu kakunasikhathi esithile sonyaka, ungakuqala uqhubeke nakho nanganoma yisiphi isikhathi sonyaka.
Qaphela unakekele indawo ozofuyela kuyona noma icansi lesibaya, imboni yokudla kweminyundu, wumswakama, wukujikeleza komoya esibayeni namazinga okushisa nokubanda eqile ukuze iminyundu ingabaleki esibayeni. Yakha isibaya somnyundu ngendlela okuzobalula ukuhlukanisa umchamo nendle yawo ngoba