NEZITSHALO USEBENZISA INDALO
phela zinomsebenzi ohlukene lezi zinto ekutshaleni nasekondleni izitshalo.
Umnyundu ukwazi ukudla isilinganiso sokudla okulingana nesisindo somzimba wawo ilanga nelanga. Izidlo ezithandwa yiminyundu yilezi: amakhasi emifino njengamazambane, yiziqatha, yithanga, amaqabunga notshani, amakhasi ezithelo, yizinkambi zetiye, amagobolondo amaqanda agaywe acoliseka namaphepha.
Qaphela ukuthi ungawondli umnyundu ngezidlo ezinenyama, inhlanzi, amawolintshi, utamatisi, u-anyanisi, upelepele, ukudla okunamafutha, ubisi nezinto eze- nziwe ngobisi, nendle yezinja namakati.
Indle yomnyundu ungayisebenzisa ngezindlela ezahlukene njengokuthi ungadidiyela ingxube yokugqumisa imbewu, uyakwazi nokumba umsele obanzi kunokujwayelekile, bese ufafaza le ndle yomnyundu maqede umboze ngomhlabathi ufakeke izithombo ngendlela ejwayelekile.
Ungondla imfuyo enjengezinkukhu, amadada, izinyoni noma amakewu ngoba phela iqukethe umsoco odingwa yimfuyo ekuhlumiseni izinyama nasekuvikeleni izinhlobonhlobo zezifo eziphatha imfuyo. Uyakwazi nokwenza itiye lokuphuzisa izi- tshalo ngokuxova ngamanzi le ndle oyivune esibayeni somnyundu, ngokuthatha ibhakede eliwu-5 litha uligcwalise ngamanzi afudumele bese ufaka inkomishi eyodwa yendle yomnyundu. Cwilisa izinsuku ezimbili, bese usebenzisa leli tiye ngokulifafaza phezu kwezitshalo. Ngale ndlela izitshalo zikhombisa impilo enhle ngokuthela izithelo zekhethelo.
Umlimi odinga imininingwane ethile angasithinta kwethi: 082 789 4281 noma aye ekhelini elithi www.sicelokunene.co.za, ekhasini elithi: Contact us axoxe nathi.