IQALA NAMUHLA EYESHASHALAZI ENGEMBOKODO

IYAQALA namhlanje ngoLwesine imidlalo yeshashalazi eyingxenye yeSA Woman’s Arts Festival (SAWAF), ehlelwe yiPlayhouse Company, eThekwini.

Le festival ihambisana nomgubho wenyanga yabantu besifazane. Phakathi kwemidlalo ezoqala ukukhonjiswa namhlanje ePlayhouse, ngothi, 'Handbag - Don’t clutch me too tight', 'Suddenly the Storm' nothi, 'La Boheme'.

Ukukhonjiswa kwale midlalo emithathu kuzodonsa kuze kube wuMgqibelo zili-12 kwephezulu.

Ngesonto elizayo kuzophinde kukhonjiswe eminye emibili othi 'Scorched' nothi 'Our Story Magic', ezokhonjiswa mhla zili-18 nangomhla zili-19.

Kuzophinde kube neSundowners Concert ezoqala namhlanje lapho kuzobe kungenwa khona mahhala, kunandisa iPlatform Jazz ngo-18h00; kuthi ngoLwesihlanu kunandise uNdu Shezi neHeels Over Head ngo-17h00; ngoMgqibelo kunandise uDawn King ngo-15h30, kube yiDani Foster Trio ngo-18h15.

NgoLwesihlanu oluzayo kuyona iSundowner Concert kuzonandisa uNatalie Rungan ngo-17h00, kuvale uLuh Dlamini noJoel Zuma ziyi-19 ngo-17h00.