UMQEQESHI OMUSHA WOSUTHU UFUNA UMADONDO
UMQEQESHI osanda kuqashwa ngamaZulu FC angase asayinise umdlali okungakapheli sikhathi esingakanani esayine kwiRichards Bay FC egijima kwiNational First Division (NFD).
USuthu lumemezele ukuthi seluqashe uCavin Johnson njen- gomqeqeshi walo omusha. Lo mqeqeshi ngeSonto ubonakale eLa Lucia, enyakatho yeTheku, ehamba nomphathi wakhe uMike Makaab weProsport International okusolakala ukuthi yilona usuku asayine ngalo noSuthu.
Uqashwa nje bekukhona uJoey Antipas waseZimbabwe ofakwe amasondo nomsizi wakhe uPrince Matore. UJohnson ubengenawo umsebenzi emuva kokuba ekhonjwe indlela yiPlatinum Stars ngasekupheleni kwesizini edlule.
ILANGA lithole ukuthi uJohnson ufuna ukusayinisa uKhulekani “Chillies” Madondo osayine neRichards Bay ngeledlule.
Kuthiwa neBay izimisele ukumdedela ngenxa yokuba seqophel- weni eliphezulu kwalo mdlali. Kuthiwa ibona kuzofana nokuthi iyamubambezela uma imgcina.
Nokho ngenxa yokuthi ubesesayinile izofuna okuncane ukuze imdedele kwazise bese imbale njengomuntu ozoyisiza.
UJohnson wale waphetha ukuphawula ngale ndaba wathi okwamanje akukho angakusho.