OWE-MAN U ULAMBELE ESE-EPL
USONGA ngokuhlwitha indebe ye-English Premiership kwiChelsea uPaul Pogba waseFrance oyisilomo seManchester United ezodudulana neSwansea City ngoMgqibelo.
Lo mdlali okhuze ibuye kwiRed Devils ngesizini edlule ephuma kwiJuventus yaseItaly, uthi akanandaba nezinkomishi asezinqobile selokhu ebuyele e-Old Trafford. Usenqobe iLeague Cup ne-Europa League ngaphansi kukaJose “The Special One” Mourinho ololonga le kilabhu.
“Ngiphatheke kabi ngesikhathi ngihlukana nale kilabhu ngowezi-2012. Bengazi ukuthi kunomsebenzi engingawuqedanga njengoba bengingeyona ingxenye yabadlali abebeqala imidlalo. Ngibuyele ukuzobuyisa izikhathi zenjabulo. Ngizokwenza konke okusemandleni ukuqinisekisa ukuthi siyasinqoba isicoco seligi,” kusho lo mdlali ongomunye wabavalele amagoli emdlalweni wokuvula iligi abahlule kuwona iWest Ham United ngo-4-0 e-Old Trafford.
IMan Utd yiyona eqhwakele kwi-log nje- ngoba kuyiyona enqobe ngamagoli amaningi. NangoMgqibelo kubhekwe kakhulu uRomelu Lukaku osevalele amagoli kuyona yomibili imidlalo yale kilabhu esemthethweni. Elinye igoli ulishaye behlulwa yiReal Madrid yaseSpain ngo-2-1 kowe-Uefa Super Cup. Imidlalo ye-English Premiership:NGOMGQIBELO Swansea City vs Manchester United 13h30 (SS3).
Leicester City vs Brighton & Hove Albion 16h00 (SS5).
Liverpool vs Crystal Palace 16h00 (SS3).
Burnley vs West Bromwich Albion 16h00 (SS12). AFC Bournemouth vs Watford 16h00. Southampton vs West Ham United 16h00 (SS6). Stoke City vs Arsenal 18h30 (SS3). NGESONTO Huddersfield Towns vs Newcastle United 14h30 (SS3).
Tottenham Hotspur vs Chelsea 17h00 (SS3). NGOMSOMBULUKO Manchester City vs Everton 21h00 (SS3). EyeSpanish La Liga ihlelwe kanje:KUSASA NGOLWESIHLANU Leganes vs Deportivo Alaves 20h15 (SS7). Valencia vs Las Palmas 22h15 (SS7). NGOMGQIBELO Celta de Vigo vs Real Sociedad 18h15 (SS7).
Girona vs Atletico Madrid 20h15 (SS7) Sevilla vs Espanyol 22h15 (SS7). NGESONTO Athletic Club vs Getafe 18h15 (SS7). Barcelona vs Real Betis 20h15 (SS7). Deportivo La Coruna vs Real Madrid 22h15 (SS7). NGOMSOMBULUKO Levante vs Villarreal 20h15 (SS7). Malaga vs Eibar 22h00 (SS7).