NGABE WUSUKU LWAKHO LOKUZALWA NAMUHLA?

UBUYE ungazi noma kumele umthembe ngokuphelele yini umaqondana. Kukhona ukuphawula okufaka wena okubuye kungakugculisi impela. Lolu suku lukukhumbuza izigigaba esezadlula.

ARIES (March 21-April 19) UKUQHELELANA nabangani abangalungile kuzokwenza ungangeni kalula obishini. Amandla angaphakathi kuwena azokunika izimpendulo ezinkingeni obhekana nazo zonke izinsuku. TAURUS (April 20-May 20) INDLELA oziphatha ngayo manje kumele ijabulise umndeni wakho nalabo ophila nabo. Uzophothula izinhlelo zokuxhumana nalabo okade wabagcina. Umkhankaso ophezu kwawo manje uthinta ukuthuthukisa nomphakathi wakho. GEMINI (May 21-June 21) NGENXA yobuhlakani bakho kukhona ozocela ukuchushiswa nguwena. Ungagqilazi umqondo ngokucabanga izinto ezizokuhlehlisa ngoba unokuningi okubheke wena phambili. CANCER (June 21-July 22) UKUZIZWA sengathi usuphila komunye umhlaba kakumele kukunike isithombe sokuthi usuphumelele kodwa kuzodingeka usebenze ngamandla kunakuqala. Ukuzethemba kwakho kuzodingeka ukuqhakambise impela manje. Umqondo wakho uzogxila ezintweni esezadlula. LEO (July 23-August 22) INKANI yakho nokuthanda ukuba kulandelwe indlela ocabanga ngayo, kubuye kungasizi muntu. Isikhathi sokulungisa kahle izindaba zakho ezimayelana nothando zibe sezingeni eligculisayo. VIRGO (Augt 23-Sept 22) FUNDA ukwenza izinto ngesikhathi ukuze ungazitholi usuhudula izinyawo kulokhu okumele ukufeze. Uzoba namandla okulawula umqondo wakho futhi ufunde ukuthi impilo iyaqhubeka noma izimo zinzima kanjani. LIBRA (Sept 23-Oct 22) BUKA phambili ngomfutho ungabuki izithiyo. Uma ubona kungahambi ngemfanelo, ungagijimeli ukugxeka abathile noma singekho isidingo. Ake uzitshele ukuthi ikusasa lakho lizoba yilokhu okuzabalazelayo noma okufunayo. SCORPIO (Oct 23-Nov 21) INDLELA osebenzisa ngayo umqondo iphazanyiswa wukuba nezidingo eziningi kakhulu. Unezinhlelo eziqhubekayo okumele zikucacisele kahle ngezinhlelo zakho. Ungazami ukusebenzisa ukuduba ezindabeni zakho zothando. SAGITTARIUS (Nov 22-Dec 21) UKUZIMISELA kwakho ukubambisana nomaqondana kuzonenza nilibale impela ngezinye izinkinga enibhekene nazo. Kunezinye izinqumo ozama ukuziphenduphendula emqondweni wakho. Usuku nosuku kumele uzitshele ukuthi akukho okuyovimba impumelelo yakho. CAPRICORN (Dec 22-Jan 19) UKUBA nomqondo onethemba, kungakwenza ubenezifiso ezahlukene. Ukuthalalisa kube kunezinto okumele zilungiswe manje, kuyodala omkhulu umonakalo. Ubona kwenzeka okuningi empilweni yakho manje ngesikhashana. AQUARIUS (Jan 20-Feb 18) KASIKHO isidingo sokubalisa manje kodwa zama ukuxhumana namandla angaphakathi kuwena ukuze kulunge okungalungile. Uqale unyaka ngokuba matasatasa. Njengoba uwuqale ugijima uyowuqeda ugijima futhi. PISCES (Feb 19-March 20) UYABONA ukuthi izinto ebezikukhuthaza ngothando kazisafani nakuqala. Zama ukwenza izinto vele ezisezinhlelweni zakho. Uyakwazi ukuphendula amatafula uguqule izimo kube ngezizokuvumela.