Liyakhula isasasa kwiSpar Chesterville
Kuntshontshwe isikhwama somgijimi
UKHOMBISA ukuba nesasasa umjaho waselokishini iSpar Chesteville 10km ebiyizolo ngeSonto ezinkundleni zemidlalo zakuyo lendawo onqotshwe nguMuziwenkosi Mjaja weNedbank noManuela Diener weSaveges.
UMjaja ushaye intambo ngesikhathi esingu-33:14 ebekwe ezithendeni nguVumani Mlaba ngo-33:21 kwathi imfivilithi uSphamandla Nyembe wangena isithathu ngesikhathi esingu-33:32. Bobabili uNyembe noMlaba basubathela i-Ethekwini Athletics Club kaPastor Vusi Dube.
UNyembe kulindeleke lukhulu kuyena njengoba kunomjaho aya kowugijima phesheya kwezilwandle ungakapheli lo nyaka. Lo mjaho ubuzimaziswe nguNgqongqoshe WezeMpilo wesifundazwe uSibongiseni Dhlomo nekhansela lendawo uSfiso Mngadi onesandla esikhulu ekuqinisekiseni ukuthi lo mjaho nekilabhu akushabalali.
UMngadi utshele leli phephandaba ukuthi uma kunemijaho emikhulu uye athengele abasubathi abazobamba iqhaza kuyo izinto abazozidinga emjahweni nokunye okudingekayo.
Kwabesifazane uManuela ushaye intambo ngesikhathi esingu-52:06 evule igebe lekhilomitha kuSamantha Gould weGet Fit kwathi u-Amanda Botes weStella wangena isithathu.
Lo mjaho cishe waphazamiseka omunye wabasubathi elahlekelwa yisikhwama sakhe ngemuva kokuba izigebengu zijeme imoto yakhe ngesikhathi eyikhiya. Kuthiwa zithathe isikhwama emotweni nokunye kanti sekuyinsakavukela ukuntshontshelwa kwabagijimi. Nyakenye kwiYellowwood Park kuntshontshwe u-R40 000 kanti sekujwayelekile ukugqekezwa kwezimoto eKings Park uma kunemijaho.
UKhansela uthe bazolusukumela lolu daba. Uthi kunomkhondo abawulandelayo. USihlalo weKwaZulu-Natal Road Running uSipho Mkhathini ubekhona kulo mjaho obonakala ukhula ngesikhulu isivinini yize begqoza abasubathi abamnyama kuwona njengoba beku-gcwele abamhlophe.
Ukuqinisekisile ukugqekezwa kwemoto.
Isiyonke imiphumela yalo mjaho ihambe kanje, kwabesilisa: 1. Muziwenkosi Mjaja (Nedbank) 33:14, 2.Vumani Mlaba (Ethekwini) 33:21, 3.Sphamandla Nyembe (Ethekwini) 33:32. Ku-35 kuya ku-39: 1.Phumlani Xolo (Ethekwini) 37:01. Ku-40 kuya ku-49: 1.McEbisi Allen Mhlanganyelwa (Chesterville) 40:15. Ku-50 kuya ku-59: 1. Steve Heuer (Riverside Harriers) 50:48. Ku-60 kuya ku-69: 1. Les Smith (Westville) 55:50. Ku-70 kuya phezulu: 1. Jeff Armstrong (Athletics North) 1:11:05.
Kwabesifazane: 1.Manuela Diener (Savages) 52:06; 2.Samantha Gould (Get Fit) 56:27, 3.Amanda Botes (Stella) 56:38. Ku-35 kuya ku-39: 1.Manuela Diener (Savages) 52:06. Ku-40 kuya ku-49: 1.Alison Parle (Westville) 1:06:01. Ku-50 kuya ku-59: 1.Lucy Theron (Randburg Harriers) 1:04:10. Ku-60 kuya ku-69: 1.Sheree Kirsten (Westville) 1:00:44. Ku-70 kuya phezulu: 1.Gill Tregenna (Westville) 1:04:22
Kwabahambayo, kwabesilisa: 1.Nhlanhla Clement (Sandf) 58:28, 2.Thembalihle Phika Zondi (Chesterville) 1:03:35, 3.George Setlhako Aphane (Sandf) 1:08:52.
Kwabesifazane: 1.Khethiwe Memela (Nedbank) 1:14:34, 2. Pamela Corlett (Highway) 1:15:50, 3.Susan Young (Highway) 1:21:33.
Eye-15km Capitala Climb ngoMgqibelo eMgungundlovu: 1. Sitembelo Fanekho (Nedbank) 51:46, 2.Mswenkosi Mthalane (Ind) 52:23. Ku-40 kuya ku-49: 1.Bernard Phalatsane (Phuma KZN) 56:37. Ku-50 kuya ku-59: 1.Willie Majombozi (Boxer) 65:54. Ku-60 kuya phezulu: 1.Douglas Couperthwaite (Coll Harr) 86:13.
Kwabesifazane: 1.Sanelisiwe Mbanjwa (Ind) 66:28, 2.Thobile Mkhize (Speed Exp) 69:10, 3. Bathobile Mkhize (Speed Exp) 69:31. Ku-35 kuya ku-39: 1. Nonsikelelo Mbambo (Natal Carb) 70:06, Ku-40 kuya ku-49: 1.Pat Dammann (Team Vit) 73:41. Ku-50 kuya ku-59: 1.Karen Jonsson (Roag) 84:01. Ku-60 kuya phezulu: 1.Pam Rassmussen (YWP) 92:44.
Kwi-5km kwabesilisa: 1.Elethu Hlongwane (Ind) 29:38.