Izinguquko kweyokuhlungela i-NFD
Asezokuba mathathu amaqoqo okuhlunga
IZINGUQUKO kwiSouth African Football Association (Safa) ABC Motsepe League ngaphambi kokuqala kwesizini entsha ngelizayo. ILANGA lithole ukuthi lesi sigaba seMotsepe League sizokuba noshintsho kwimidlalo yokuhlungela ukungena kwiNational First Division (NFD) kule sizini.
Kuthiwa ezinguqukweni ezikhona kubalwa nokukhandwa kwamaqoqo amathathu njengoba ebejwayele ukuba mabili. Amakilabhu amabili anqobe kulama qoqo yiwona abekhushulelwa kwiNFD.
La maqoqo azokwakhiwa yiGroup A, B no-C ngokwezifundazwe okutolikeka ngokuthi amakilabhu azokuba mathathu ngeqoqo ngalinye.
UMlungisi “Prof” Ngubane ocija iDurban FC utshele ILANGA ukuthi sekuzokuba ngumqansa omkhulu kumakilabhu kwazise sekumele kudlalwe imidlalo emine ngaphambi kokungena kuma- semi final. Phambilini uProf unyusele amakilabhu ehlukene ezigabeni eziphezulu amanye ewa-
ESASEMAJUBA SINQOBE I-KAY MOTSEPE CUP
ISEKUSILE yaseMajuba igcotshwe njengezingqwele ezintsha zeKay Motsepe Cup ihlula iGuzana yaseLembeni ngo-1-0 kowamanqamu ngoMgqibelo e-Arbor Park, eNewcastle.
Zombili lezi zikole zizokuya komela iKwaZulu-Natal emidlalweni kazwelonke ezoqala mhla zizine isongwe ziyisikhombisa kuMfumfu (October) eGauteng.
ISekusile igixabezwe ngo-R100 000 kwathi iGuzana yathola u-R50 000. Le mali izosetshenziselwa izinhlelo zokuthuthukisa lezi zikole.
IKwaZulu-Natal izomelwa yizikole ezine ebholeni lo mnqakiswano. Kuzona kukhona iNhlanhlayethu yaseNanda, iKuswag yaseManzimtoti, iChief Luthayi yaseHammarsdale ne-Edendale Technical yaseMgungundlovu. Izikole ezizokwenza kahle kwekazwelonke zizovakashela eSingapore naseMalasisa. Le midlalo ihlelwa ngokubambisana phakathi kweSouth African Football Association (Safa) nomNyango wezeMfundo kanti yesekwe yiMotsepe Foundation eholwa nguPatrice Motsepe.
Sisekuzo ezemidlalo yezikole, zizohamba ngoLwesihlanu ekuseni izikole ezili-12 zaKwaZuluNatal eziyokhiphana inkani emidlalweni yeSouth African Schools Football Association (Sasfa) McDonald U/14 eFree Sta-te. Le midlalo izokuba ngoMgqibelo kanti izosongwa ngosuku olufanyo. Izikole zaseFree State nazo zizokube zishukana kwenye inkundla. AbakwaMcDonald baphakamise ukuthi izifundazwe zidlale ngambili njengoba ezaseFree State bekuyizona ebeziKwaZulu-Natal ngonyaka odlule.
Imidlalo kazwelonke yeMcDonald izoqala mhla zizine isongwe ziyisi-7 eGauteng. Le midlalo bekumele idlalelwe eSugar Ray Xulu Stadium, eClermont kodwa yabuye yakhonjwa eGoli. vikisa izembe.
Uthi abadlali bazokhandleka ngokudlala imidlalo eminingi kungenasidingo. Uthi iSafa bekumele iyihlele ngenye indlela le midlalo.
Uthi okubi wukuthi kayikho ikilabhu ebifake isikhalazo obekungaba yisizathu sokuthi kwenziwe lolu guquko. Uthi usola ukuthi kukhona isandla semfene ngoba iKwaZulu-Natal seyikwaze ukufaka amakilabhu amabili amasizini elandelana.
UThomas Sadiki ophethe ihhovisi lemiqhudelwano kwiSafa uvumile ukuthi konke sekumi ngomumo ngalolu shintsho. Uthi akusekho okungajika izinto.
Mayelana nesikwati esaqokwa ngesikhathi kunemidlalo yokuhlunga eMonti, lesi sikhulu sikubeke kwacaca ukuthi balinde usuku kwiMotsepe Foundation okuyiyona elawula amalungelo alesi sigaba.
Ngokuthola kwaleli phephandaba okunye okusha wukuqoshwa kwemidlalo okuyinto ezosetshenziswa njengobufakazi uma kunecala lenkohlakalo. Lesi sigaba sidume ngezinto eziningi ezingcolile.