Kunjenjenje wuhulumeni wethu!
MHLELI: Mayelana nezigigaba ezishaqisayo ezenzeka ezikoleni emazingeni aphakeme naphansi, uhulumeni wethu yiwona okumele uzinuke amakhwapha. Sikhule kunesifundo sezenkolo ezikoleni, sifundisa ngokweBhayibheli.
Ngalezo khathi izinga lenhlonipho belande kakhulu ezikoleni, emiphakathini nasemakhaya. Izigigaba zokugwazana kwabafundi nocansi ezikoleni bekuyinto engenzeki nhlobo ngendlela inhlonipho ebiphezulu ngakhona.
Ezenkolo bezifundisa ukwesaba uJehova wesabe nehlazo. Kuhambe isikhathi zakhishwa ezenkolo, lwaqala udlame ezikoleni, kwaqala ukungalawuleki kwabafundi. Namhlanje othisha bathelwa ngezimpama ngabafundi ngenxa yokuthi kukhona osekungasekho ezikoleni.
Akekho umuntu oke wakukhonondela ukukhishwa kwezenkolo ezikoleni. Sizokhumbula ukuthi izingane zike zahlaselwa wumoya wobusathane ezikoleni eziningi eNingizimu Afrika, kwaba nesiyaluyalu kwezemfundo abafundi beheyiza, benza imikhuba engasile ngenxa yenkolo yobuSathane.
Siyacacelwa-ke manje ukuthi ukuqedwa kwezenkolo ezikoleni kwakwenzelwa ukufaka inkolo yobuSathane. Nempela kwenzekile lokho, ezinye izingane zizisholo zona ezikoleni ukuthi zikule nkolo kaSathane!
Nalapho akekho oke wacabanga ukuthi kungenxa yokukhishwa kwezenkolo ezikoleni! Isifundo sezenkolo kuningi ebesikufundisa kubantwana. Kakumeleke sethuke uma izingane ezikoleni zinobudlova obungaka ngoba sithulile kuqedwa ezenkolo.
Kumanje nje, kusanda kushaywa umthetho wokusatshalaliswa kwamakhondomu ezikoleni, akekho okhumbulayo ukuthi kufanele kubuyiswe isifundo sezenkolo ebesincike kakhulu eBhayibhelini, kuNkulunkulu, ekukhuleni ngendlela ezomsiza umfundi kusasa noma esezimele ngokwakhe.
Kasikho isifundo nokuhle esizokuzuza kula makhondomu asezogcwala ezikoleni. Ungethuki uhulumeni nothisha uma abafundi sebecela ithuba lokuyokwenza ucansi ngesikhathi sokufunda ngoba yiwona ovule lelo thuba! Ucansi luzoba yingxenye yezemfundo, phela nanka amakhondomu athunyelwe ukuba asetshenziswe, afakwe ezikoleni nje!
Kumele kubonakale afakelwe khona! Noma belwenziwa ucansi ngokufihlekile ezikoleni, kodwa manje sekuzoba wudede ngoba ukufakwa kwamakhondomu kusho imvume. Abafundi banikezwa imvume yokufundisana ucansi nokulwenza ngesikhathi sesikole!
Konke lokhu kuyimiphumela yokuqedwa kwesifundo sezenkolo. Kakukho-ke okumele kusethuse okwenzeka eziko ngoba kuyacaca ukuthi kakade iqinis kasilifuni futhi siphethwe ngabantu abangalifuni. Kusakhombisa khona u thi siphila ngaphansi kwenkohlakalo ngoba kuwukukhohlakala ukuthi kuy fundwa uphinde ufake amakhondom kuzofundiswa izingane inkohlakalo.
Kakukho-ke okumele sikwexwaye ezikoleni ngoba sivumelana ngamang nangempilo yokukhohlakala. Sikhum ukuthi uNkulunkulu uyabona, akasis isithixo, impumputhe nesimungulu.
Ukufakwa kwamakhondomu ezikol kuwukwephula eminye yemithetho
kaNkulunkulu mayelana nokwenziwa kocansi ngaphambi komshado.
Uhulumeni uvumela ukuthi kufundwe ukuphinga umuntu esakhula, uvumela ukuphambana noNkulunkulu. Kakusikhona ukuthi bonke abafundi bebenza ucansi ezikoleni ukuthi sekungaze kusatshalaliswe amakhondomu, qha, bekuyilelo dlanzana nje.
Lukhulu luyeza, singamangali uma izingane sezifuna ucansi kubo ngqo othisha, nanka nje amakhondomu akhona, kawanamgomo namibandela, asatshalalisiwe ezikoleni! Yikuphi-ke okuzosimangalisa? Imvume yocansi ikhishiwe! Impela uSathane ulitholile inxeba lokungena ezikoleni.
Kuningi esisazokuzwa kwenzeka ezikoleni kuze kuchithekele emakhaya! Kakukho mina okuyongethusa nanini, kuyokwethuka abangazi nabangafuni ukuvula imiqondo namehlo kaMoya.
Kulungile siyayibona inkululeko okwakhulunywa ngayo, impela ifikile nasezikoleni abafundi basazokhululeka ngodede wocansi! Kakumele sethuke uma isibalo sezintombi ezihamba uMkhosi woMhlanga sehla, kakumele sethuke uma emabandleni intsha iqhuba izisu - kuyobe kuqhume ikhondomu ngesikhathi kwenziwa ucansi esikoleni.
Kakumele bethuke abazali emakhaya uma abantwana bebuya ngobumnyama, bazobe besasebenzisa amakhondomu abawafakelwe ezikoleni.
Kubuhlungu okwenzeka ezweni lakithi, abantu abambalwa balona baliqeda izwe nabantu bakithi bathula bathi nya! Uhulumeni wethu wamfaka uSathane phakathi kwethu. Impela endulo kwakungenje! Sekuyilowo nalowo makazibambele ukholo lwakhe nesilinganiso sokholo lwakhe! Sizolakha nini izwe uma izinto zisenzeka ngale ndlela?
Kunini lapho esizozithoba khona phambi kukaNkulunkulu sicele ukuthula kulobu budlova obungaka nenkohlakalo engaka? Kunini lapho okuzosatshalaliswa khona ukuthula nokuhloniphana? Ngabe amakhondomu asatshalaliswa ezikoleni ayilona vangeli lokuthula nenhlonipho?
Kungani siphambuka kuNkulunkulu! Ngabe yini le eyenza ukuba sivumele uSathane asidukise? Inkululeko esinayo ngabe yayizele ukuzoqeda ngezenkolo, ukuhlonipha nokuziphatha? Kungani singaboni ukuthi siluthiwe! Vele zibanjwa zisemaphuphu, ziyothi ziqeda esikoleni izingane ziphume nomoya wokuphinga!