NGABE WUSUKU LWAKHO LOKUZALWA NAMUHLA?
UZOBONA sengathi kukhona okuzohamba kahle kwezothando. Okumqoka empilweni yakho wukwethembeka. Nakanjani kukhona okuthile okuzokushiya udidekile.
ARIES (March 21-April 19) AMANDLA akho kumele asebenze ngempela manje. Kunomcimbi ongase uthole isimemo sawo. Lesi yisikhathi lapho umqondo wakho uhlaziya kakhulu izimo eziningi ezahlukene. TAURUS (April 20-May 20) QINISEKA ukuthi kawuphindiseli okubi ngokubi. Ukucabanga ngendlela ehlelekile kuzokusiza uqhubeke nokwenza izinhlelo zakho ngendlela elungile. Ungalinge uchithe imali ezintweni ezingenasidingo. GEMINI (May 21-June 21) UBUYE ukhathazeke kakhulu emoyeni uma ubona impilo yakho ingahambi kahle. Kumele uqonde ukuthi izimo obhekene nazo ngezesikhashana. Isikhathi ositholayo sisebenzise kahle ngale kokwenza izinto ezingenasidingo. CANCER (June 21-July 22) UNOZWELO olukhulu kodwa ubuye ubadide abanye uma usukhombisa okuhlukile kunalokhu. Ungalinge uzenze umuntu ongeyena kulabo oxhumene nabo. Sebenzisana nabantu abavuthiwe emqondweni manje. LEO (July 23-August 22) KULUNGELE ukubhekana nanoma hlobo luni lwenselelo. Uyaqonda ukuthi kakuvamile ukuba izinto onazo uzithole kalula. Inkuthalo yakho ingakubeka kwelinye izinga obungalicabangi. VIRGO (Augt 23-Sept 22) UNGALINGE uzihlanganise nabantu obabonayo ukuthi kabathembekile. Ukuzimisela kwakho kuzoba nomvuzo obonakalayo ekugcineni. Abanye bayathembela kakhulu ekuhlakanipheni kwakho. LIBRA (Sept 23-Oct 22) ZININGI izinkulumo ezikhona ezinye ezikwenza ungabaze labo osondelene nabo. Uthando lwakho nomaqondana lubuye lukudide kwesinye isikhathi. Ukholo lwakho kumele luqine ngamandla. SCORPIO (Oct 23-Nov 21) IZINTO zibukeka zihamba kancane ngonyawu lonwabu. Nakuba uzohluleka wukuzinqoba zonke izinkinga zakho kodwa kukhona lapho ozozibonga khona ngenxa yokwehla kwelinye ijoka empilweni yakho. SAGITTARIUS (Nov 22-Dec 21) KUNEZINYATHELO okumele uzithathe ngokushesha. Indlela ebheke empumelelweni ingaphazamiseka uma uba nokudembesela okukhulu. Ukuzikhandla kujwayele ukunika umvuzo. CAPRICORN (Dec 22-Jan 19) KUMELE uvive ubhekisise ukuthi uqine ngakuphi futhi untenga ngakuphi ukuze uzogxila ohlangothini oqine ngakulona. Ungalinge uvumele abanye bakungabaze ngoba uzophelelwa wumfutho. AQUARIUS (Jan 20-Feb 18) AMATHEMBA akho ungawancikisi kakhulu kwabanye. Qaphela usebenzise ubuhlakani ezinhlelweni zakho. Izinkinga ezibhekene nomndeni wakho zizoba yisimbelambela. PISCES (Feb 19-March 20) KUGWEME ukungezwani nabathile ikakhulukazi abasemndenini wakho. Qaphela kunoma yini oyenzayo ukuthi kakukho okuzokwenza ugxekwe.