INIKELELWE NGOMSHINI I-KZNA
ICOMRADES Marathon Association (CMA) inikele ngomshini ka-R350 000 wokuqopha imiphumela kwiKwaZulu-Natal Athletics (KZNA) ngeledlule eKings Park Athletics Stadium.
Lo mshini kuthiwa usezingeni eliphezulu futhi uyashesha uma kucoshelwa imiphumela yokugijima kanti imiphumela yawo iqondile ukwazi ukuthumela umphumela ngisho kwi-email nasezinkundleni zokuxhumana.
USihlalo weComrades Marathon Association (CMA) uSfiso Nzuza uthi kuyinhloso yabo ukusiza wonke amakilabhu ezokugijima aKwaZulu-Natal.
“Ubuhlobo bethu kade baqala neKZN Athletics. Lo mshini esibanikeze wona uzosiza kakhulu amakilabhu asezindawe-ni zasemakhaya uma enemijaho. Okuhle ngawo ukuthi uyashesha kanti imiphumela yawo iqondile. Kuwumsebenzi wethu njengeCMA uma kukhona esinakho ukuba sinikele emphakathini ukuze uthuthuke,” kusho uNzuza.
UMengameli weKZNA uSello Mokoena uthe ubonga kakhulu ngalo mshini abawunikezelwe yiCMA. Uthi uzokwenza umsebenzi wabo ube lula kwezokugijima esifundazweni.
Kusenjalo, kushone usuku lwayizolo ngeSonto sekubhalise abasubathi abayizi-5 500 kwiComrades Marathon njengoba kuvulwe ngoLwesihlanu ukubhalisa kanti kulindeleke ukuba kuvalwe mhla zingama-30 kuLwezi (November) kanti umjaho wangonyaka ozayo uzokuba mhla zili-10 kuNhlangulana (June).
ICMA ithe izokwamukela kuphela abasubathi abayizi-20 000 bese kuyavalwa. Imali yokubhalisa kule nyanga ngu-R460 obekuyimali yanyakenye kanti ngenyanga ezayo imali yokubhalisa kuzokuba ngu-R500 kwabakuleli nabaseAfrika kuthi abaphesheya kwezilwandle kube ngu-R3300.
AbeCMA bathe umsubathi ozokhokha u-R50 ngaphezulu emalini yokubhalisa uzozibeka ethubeni lokuba ahlomule ngonyanyavu lwemoto ngosuku lo mjaho. Umjaho wangonyaka ozayo uzosukela eMgungundlovu usongwe
eMoses Mabhida kanti uzokube uyibanga lika-89.2km.
Kusenjalo, iKZNA imemezele abasubathi abazoyimela kwiSouth African National Cross Country Championships ezokuba ngoMgqibelo eNorth West. Selilonke
iqembu lididiyelwe kanje: uBonginkosi Zwane, uSipho Mbanjwa, uMthokozisi Mazibuko, uMuziwe-nkosi Mjaja, uSiphesihle Masondo, uNwabisa Mjoli, uThobile Mkhize, uBathobile Mkhize, uNokuthula Ntshangase, uSilindile Chili, uSinethemba Ntshangase, uTsielo Tsanyane, uThembelani Changwe, uVictor Shoba, uNontlantla Gcina, u-Andisiwe Njunguza, uNomcebo Mtshali, uThembisile Zungu, uLi-ndokuhle Ntuli, uSipho Ngxongo, uMahlomola Sekhontana, uDelani Mkhize, u-Anele Dlamini, uLindo-kuhle Gabela, uNokukhanya Memela, uXoli Madida, uHlobisile Madida, uTessa Van Vuuren, uKhanyisa Nkinkqa, u-Innosent Nyawose, uLucky Madlala, uLonwabo Magwa, uZama Mokoena, uNomcebo Mthethwa, uDaniella Adlam, uCarry Ann Smith, uSimphiwe Zulu, uMaxwell Ngwazi, uBheki-themba Ngubane, uNkosinathi Ngcongo, uChristine Dlamini, uNonhlanhla Shange, uTholakele Ngcobo, uDebby Haswell, uSteve Muchna, uBrenden Meyer, uXolani Nocanda, uJohn Adams, uLise Muchna, uShani Silver, uFiona Baldwini, uSibongile Ziqubu, uHleziphi Ncayiyana, uMichael Ndlovu, uThiery Pletinikx, uWayne Scott, uWillie Majombozi, u-Allen Harmse, uJabulani Mngu-ni, uGail Babich, uBev Herdie, uSheron Williams, uXolisile Mwe-lase, uMichelle Sims, uKylie Gri-ffin, uKen Culverwell, uBoy Goge, uJeff Speed, uFred Mckenzie, u-Andrew Patterson, uJune Watson, uGay Tilbury, u-Aubrey Roberts, uLawrence Reuben-heimer, u-Andrwe Daly, u-Anley Vernon, uFreddy Mhlongo Mhlo-ngo, uBlanche Moila, uFrankie Cawdry, uPamela Rasmussen, uShereen Kerstein, uJane Dicken-son, u-Eric Quibell, uBongani Ndlovu, uLes Smith, u-Oberholzer De Villiers, uRaymond Meyer, uNoel Seville, uRon Sayer, uGill Tregenna, u-Amahle Mbanjwa, u-Owen Higgins, uNonkululeko Shange, uZama Madlala, uSanele Masondo, uMkhuliseni Shazi, uSilindile Jwarha, uCandy Khumalo, uSiphesihle Cebekhulu, uMfanufikile Mkhize, uSanele Ngubane, uTayla Kavanagh, u-Aphelele Jileka, uLuzaan De Wet, uNtombifuthi Mhlongo, uTate Stewart, uNkosinathi Sibiya, uHappiness Mkhize, uWynand Gouws, uLuke Treleaven, uTristan Parkinson, uMia Ann Borrageiro, u-Antony Clayton (individual), uRuben Visagie, uLuca Borrageiro, uMe-gan Olivier, uKayleigh Lindeque, uBeth Mayer, uScelo Mthethwa, uMathew Gibson, uSavannah Ingledew noSello Mokoena.