IMIDLALO YOKUKHUTHAZA IZISEBENZI ONDINI
KULINDELWE iqophelo eliphezulu kwi-Ulundi Old Mutual Industrial Tournament okuwumqhudelwano wezinkampani ozokuba ngoMgqibelo kusuka ngo-08h00 lize liyoshona eMasibumbane High School Ground nakwa-A Stadium, oLundi.
Kulo mqhudelwano kuzodudulana izinkampani ngenhloso yokugqugquzela izisebenzi ngokubaluleka kokuzivocavoca.
Izinkampani ezizogijimisana yiChief Albert Luthuli, i-Iscor Mittal Newcastle, iCeza Hospital, iKwaMagwaza Hospital, iQalakabusha Prison, Ulundi SAPS, iCeza Dept of Education, iNewcastle Municipality, iNkonjeni Hospital, Ulundi Police Academy neKwaHlabisa Hospital.
Lezi zinkampani zizophinde zidlale nebhola lomnqakiswano lapho kuzokwengezwa ngeBush Babes okuyiqembu elakhiwe ngodokotela besifazane.
UFana Mbatha ogqumgquzeli walo mqhudelwano oke wagijima kwiBloemfontein Celtic, uthi bacela amakilabhu afike ngesikhathi ukuze imidlalo isheshe isongwe. Uthi inhloso yakhe ngokusungula le midlalo kakusikhona ukwenza inzuzo kodwa wukukhuthaza izisebenzi ngokubaluleka kokuzivocacoza. Abazodla ubhedu bazohlabana ngezindondo, yijezi ne- voucher ka-R1000 yenyama.