NGABE WUSUKU LWAKHO LOKUZALWA NAMUHLA?
ULWAZI onalo, kakhulukazi kwezokuxhumana, luzokusiza lukubeke lapho ofuna ukuya khona. Kunezinto ezingajwayelekile ezizokwenzeka empilweni yakho futhi ezingase zikushiye unamathemba amakhulu ngempilo. ARIES (March 21-April 19) EZINYE izinkinga zibuye zidalwe ngamaphutha owenzayo. Izinguquko empilweni yakho zizokwenzeka, zilungiselele ukumelana nazo. Ezinye izindaba zakho zothando zibuye zikushiye unesikhathi esincane zikufaka nasezindlekweni. TAURUS (April 20-May 20) KUNEZINHLELO zakho ezihamba kancane kakhulu. Uma kukhona ongakuboni kahle, kuhle ubhekisise ngeso elijulile. Zinkulu kakhulu izinselelo obhekene nazo empilweni yakho njengamanje. GEMINI (May 21-June 21) UBUYE ubone sengathi empilweni yakho kuqhamuka lokhu ongakudingi kunokuba kuqhamuke okudingayo. Ungaphatheki kabi uma impi ubona ikushudulisa ngoba ekugcineni uzothola izibusiso. Isikhathi sakho sokuphumula kumele sibe sincane kakhulu. CANCER (June 21-July 22) KUMELE ukhumbule ukuthi empilweni konke kunesikhathi sakho. Ezinye izinkinga zakho ukuze zilunge, zidinga ukuba uzisukumele ngokukhulu ukushesha. Okuningi kungase kungahambi ngendlela wena ohlele ngayo. Nakekela impilo yakho ukuze uzohlala uwumqemane. LEO (July 23-August 22) ABANTU abakugqugquzelayo kumele uwanake amazwi abo ngoba kukhona lapho ezokutakula khona. Yonke imisebenzi yakho yibekele isikhathi okumele uyiqedele ngaso. Ungabi ngumuntu ozicabangela yedwa ngoba kukhona abakubhekile. VIRGO (Augt 23-Sept 22) OKUKUPHETHE kabi kakhulu wukungasimami kwesimo sakho sezimali. Lesi kakusona neze isikhathi sokuqala izinto eziningi kodwa kumele ubhekane nokumbalwa okuphuthumayo. Zikhona izinto ezizokugqilaza emoyeni wakho kodwa ungaliphonsi kalula ithawula. LIBRA (Sept 23-Oct 22) UYABADINGA abantu ozobambisana nabo. Baningi kakhulu abathembele kuwena yingakho uhlale umatasatasa. Kukhona abantu abahlale bekuqaphile empilweni ukuthi unyakaza wenzani. Yisikhathi sokubambisana kahle nomndeni wakho uma ufuna ukuphumelela. SCORPIO (Oct 23-Nov 21) UKUVILAPHA kumele ukubeke eceleni. Uma kumele ulungise ikhaya lakho, lesi yisikhathi esikuvunayo uma nje konke kunokubambisana. Uma unabathile ubuye uthande ukuba bafunde ukuthi kuwena kugcwele ubuhlakani. SAGITTARIUS (Nov 22-Dec 21) NGASO sonke isikhathi kudingeka uqine ngoba usesigabeni sokuphekwa kanzima. Nawe ubuye ungayiqondi imicabango yakho ngoba ubuye uguquke kalula ezinqumeni zakho. Funda ukuzehlisa noma ubona ukuthi uzungezwe ngabantu abangenawo amagalelo njengawakho. CAPRICORN (Dec 22-Jan 19) UNGALIBALI wukuthi impilo ihlale iwumshikashika. Ubona sengathi lo nyaka uhlukile kweminye ngenxa yokwenzeka kwezinto ezingajwayelekile empilweni yakho eziningi ezikuhlukumezayo. AQUARIUS (Jan 20-Feb 18) UKUSEBENZA kanzima kuwumthwalo wakho omqoka. Uyabhekisisa othandweni ngoba kawufuni ukuphila impilo yokugcogcoma. Kokunye wenza izinto ngobuchule ngasese, ezithinta uthando, umangale ukuthi kukhona ozaziyo. PISCES (Feb 19-March 20) ABANYE bakubuka ngelinye iliso. Eminye imibono yabanye obambisene nabo ingakuhlomulisa kakhulu. Ungalandeli kakhulu izindaba zabanye ezingahlangene nawe abazenza ngasese.