Abagijimi bakuleli babuye namagolide
Owase-Ethiopia ukuphindile lokho eCape Town
IHLABANE ngegolide iNingizimu Afrika emidlalweni yeCAA Southern Region Half Marathon Championships ngoMgqibelo eNamibia.
UJoel Mmone ushaye kuqala intambo kwabesilisa ngesikhathi esingu:63:04 ebekwe ezithendeni nguThabang Mosiako owenze isikhathi esifanayo, kwathi isithathu sathathwa nguLucky Mohale ngesikhathi esingu-64:03.
Esigabeni sabesifazane uMapaseka Makhanya ungene isibili ngo-1:17:29 eshiywa nguLavinia Haitope waseNamibia odle ubhedu ebeka u-1:14 kwathi uJenet Dlamini waKwaZulu-Natal wathatha indawo yesithathu.
Abasubathi abenze kahle kulo mjaho bangase baqokelwe kwiInternational Association of Athletics Federation (IAAF) World Half Marathon ezokuba ngonyaka ozayo eSpain.
UMengameli we-Athletics South Africa (ASA), u-Aleck Skhosana, uthe ujabule kakhulu ngokubuya nezindondo zegolide kwabasubathi bakuleli.
Usivikele ngempumelelo isicoco sakhe seCape Town Sanlam Marathon u-Asefa Negewo waseEthiopia odle ubhedu ngesikhathi esingu-2:10:01 izolo ngeSonto eCape Town. U-Asefa ubevele ethwelwe ngeqoma ukunqoba lo mjaho ophethe isicoco sika-R265 000 kwizingqwele. Nyakenye wenze irekhodi lika-2:08:14.
Indawo yesibili ithathwe nguKe- tema Bekele waseKenya ngesikhathi esingu-2:11 kwathi u-Elroy Gelant waba wumsubathi wokuqala waseNingizimu Afrika engena endaweni yesihlanu. Ubeke u-2:12:49. Kulo mjaho babe bathathu kuphela abasubathi bakuleli abangene nabokuqala abali-10 kwabesilisa. Kube nguXolisa Tyali ongene unombolo 8 kwathi uMelikhaya Frans osanda kwephula irekhodi lakuleli lika25km wathatha eye-10.
Kwabesifazane, u-Irvette van Zyl uvale ihlazo kuba nguye kuphela ongena nabokuqala abali10 kulo mjaho onqotshwe nguBetelhem Cherenet wase-Ethiopia odlule uHelalia Johannes waseNamibia sekusela ikhilomitha ukuba ashaye intambo. UHelalia ubeze kulo mjaho eyi-pace setter.
U-Irvette uqede lo mjaho ngesikhathi esingu-2:36 eshiywa ngamakhilomitha amabili yingqwele. ULebogang Phalula noGladwin Mzazi bangene endaweni yeshumi nanye ngokwehlukana kobulili.
Isiyonke imiphumela yalo mjaho ihambe kanje, kwabesilisa: 1.Asefa Negewo (Ethiopia) 2:10:01, 2. Ketema Bekele (Ethiopia) 2:11:06, 3.Duncan Maiyo (Kenya) 2:11:26, 4. Thomas Ayeko (Uganda) 2:12:03, 5. Elroy Gelant (RSA) 2:12:49, 6. Motlokoa Nkhabutlane (Lesotho) 2:12:57, 7.Ezekiel Tarus (Kenya) 2:13:18, 8.Xolisa Tyali (RSA) 2:13:19, 9.Laban Mutai (Kenya) 2:15:00, 10.Melikhaya Frans (RSA) 2:15:40.
Kwabesifazane: 1.Betelhem Cherenet (Ethiopia) 2:30:22, 2. Helalia Johannes (Namibia) 2:30:28, 3.Agnes Kiprop (Kenya) 2:31:00, 4.Meserey Asefan (Ethiopia) 2:31:24, 5.Fantu Jimma (Ethiopia) 2:31:25, 6.Naomi Maiyo (Kenya) 2:31:30, 7.Doris Changeywo (Kenya) 2:36:42, 8.Genet Hebela (Ethiopia) 2:36:44, 9.Irvette Van Zyl (RSA) 2:36:46, 10.Neheng Khatala (Lesotho) 2:41:43.
EyeMineshaft 15km izolo ngeSonto eQueensburgh imi kanje, esigabeni esivulelekile kwabesilisa: 1.Nkosikhona Mhlakwana (Phuma KZN) 48:59, 2.Muziwenkosi Mjaja (Nedbank) 50:12, 3.Aphelele Phungula (Bluff) 53:11. Ku-35 kuya ku-39: 1.Mdumiseni Zondi (Save Orion) 57:33. Ku-40 kuya ku-49: 1. Thokozani Mhlungu (Maxed Elite) 60:25. Ku-50 kuya ku-59: 1.Willie Majombozi (Boxer) 61:41. Ku-60 kuya ku-69: 1.Andy Daly (West) 63:11. Ku-70 kuya phezulu: 1.Jeff Armstrong (Athletic North) 101:06.
Kwabesifazane: 1.Mwabisa Mjoli (Hollywood Bets) 61:08, 2.Shelley Young (Chiltern) 63:11, 3. Nonsikelelo Mbambo (Natal Carbineers) 65:14. Ku-35 kuya ku-39: 1.Nonsikelelo Mbambo (Natal Carbineers) 65:14. Ku-40 kuya ku-49: 1.Liesel Phillips (Get Fit) 84:06. Ku-50 kuya ku-59: 1. Micelle Sim (PDAC) 72:24. Ku-60 kuya ku-69: 1.Pam Rasmussen (YWP) 85:03. Ku-70 kuya phezulu: 1.Gill Tregenna (West) 95:15.
Kwabahambayo kwi-15km, kwabesilisa: 1.Aaron Mahlanga (Hollywood Bets) 1:18:11. Kwabesifazane: 1.Babongile Memela (SAPS Ngwenya) 1:42:26.