MANINGAZIGXEKI BAKWETHU EZINYE IZINKONZO
MHLELI: Ngesikhathi ibuzwa iNdodana kaNkulunkulu ukuthi yintoni okumele yenziwe ngumuntu ukuze angene embusweni kaNkulunkulu yathi: ‘’Ubothanda umakhelwane wakho njengoba uzithanda wena. Uthande uNkulunkulu ngayo yonke ingqondo yakho nangenhliziyo yakho.’’
Kayishongo ukuthi into eyokungenisa embusweni wezulu wukuya njalo esontweni nokwehlulela amanye ama- bandla. Ngabe kusewukuthanda umakhelwane wakho ukuhamba ugxekana nabanye abazalwane uthi kabakholwa?
Ingani uthi kabakholwa ngoba ibandla okhonza kulona ubona sengathi yilona elivunywe lanconywa ezulwini kunamanye. Kusho bani?
Lo mzalwane okwelinye ibandla enimhlaziya ngokuthi akakholwa yingoba nina senikholwe kakhulu? Kuseyikho na ukuthanda umakhe-
lwane wakho ukuthi uhlangane nomuntu ungambingeleli ekubeni iNdodana yoMuntu kayikaze isho ukuthi abakhonza lapha kayikho into abayikhonzayo kodwa abakhonza laphaya yibona abakhonza ngempela?
Kuyikho yini ukuthi ungayi kohlanganyela nabanye abazalwane ngoba nakhu phela wena nebandla enikhonza kulona kaniyingeni indaba yamabandla akhonza amadimoni?
Nize ningakudli nokudla kwabantu
aba-ngakholwa ngoba nithi ngokwabahedeni bese kuxaka-ke ngoba iNdodana YoMuntu yayidla nezoni? Bahlobo abahle eNkosini, masihaye izwi esiliphathisiwe yiNdodana yoMuntu kuphela, elizodonsa umuntu limfake evangelini, hhayi le ndaba yokufeza izinhloso zokuzonda abanye abazalwane ngeze leze. Yisemkhulu Nzimande, EPORT SHEPSTONE.