SEZIBHEKE EYE-UEFA IZINKUNZI
ASEBHEKE imidlalo ye-Uefa Champions League amakilabhu asefomini enhle kulezi zinsuku azinze eManchester, e-England.
IManchester United neManchester City, babangisana ngokuzihola phambili kwi- log ye-English Premiership. ICity yiyona eqhwakele njengoba inenebule iCrystal Palace ngo-5-0 ngoMgqibelo. URaheem Sterling uvalele amagoli amabili kulo mdlalo.
IRed Devils ihlulele ekhaya iSouthampton kuba ngu-1-0 wegoli elibhajiswe enethini nguRomelu Lukaku waseBelgium. ULukaku usalokhu eqhubeke njalo nokuqhulula amagoli kule kilabhu elolongwa nguJose “The Special One” Mourinho” wasePortugal.
ICity iqhathwe neShakhtar Donetsk kowe-Uefa Champions League onamuhla ngoLwesibili ngo-20h45. IRed Devils izokhiphana inkani neCSKA Moscow kusasa ngoLwesithathu ngo-20h45.
ICity neRed Devils babhekwe kakhulu kwiChampions League njengoba la makilabhu elolongwa ngabaqeqeshi abakwaziyo ukunqoba lo mqhudelwano. UMourinho usehlabane ngalo mqhudelwano namakilabhu amaningi ase-Europe kanti noPep Guardiola ocija iCity udume ngokungayibheki le nkomishi. Lo mqeqeshi unqobise iBarcelona yaseSpain izinkomishi eziyinqwaba ngaphambi kokujoyina iBayern Munich yaseGermany ayishiye eseyololonga iCity.
Isiyonke imidlalo ye-Uefa Champions League ezogijinywa phakathi nesonto imi ngalolu hlobo:NAMUHLA NGOLWESIBILI Sevilla vs Maribor 20h45 (SS5). Spartak Moskva vs Liverpool 20h45 (SS6). Besiktas vs RB Leipzig 20h45 (SS8). Napoli vs Feyenoord 20h45 (SS11). Manchester City vs Shakhtar Donetsk 20h45 (SS2).
Borussia Dortmund vs Real Madrid 20h45 (SS3).
APOEL vs Tottenham Hotspur 20h45 (SS1). Monaco vs Porto 20h45. KUSASA NGOLWESITHATHU Qarabag vs Roma 18h00. Sporting CP vs Barcelona 20h45 (SS5). Juventus vs Olympiakos Piraeus 20h45 (SS12). Anderlecht vs Celtic 20h45 (SS10). PSG vs Bayern Munich 20h45 (SS6). Atletico Madrid vs Chelsea 20h45 (SS1). CSKA Moscow vs Manchester United 20h45 (SS3).
Basel vs Benfica 20h45 (SS8).