Umqeqeshi woSuthu umincile ngokaputeni
Ukhathazwa nayimbobo evuleke ngoMorton noKaruru
UBAMBE umoya uCavin Johnson ongumqeqeshi wamaZulu FC ngokulimala kukaTapelo Nyongo ongukaputeni wale kilabhu.
Lesi sitobha siphuthunyiswe esibhedlela emuva kokulimala emdlalweni woSuthu nePlatinum Stars we-Absa Premiership ophele ngo-1-1 ngoMgqibelo ebusuku eKing Zwelithini Stadium, eMlazi.
UJohnson utshele ILANGA ukuthi uthemba ukuthi uzothola umbiko omuhle kuKhaya Nzimande ongudokotela wekilabhu omphuthumise esibhedlela umdlalo usaqhubeka. Uthi uthinteke kabi. Uthi umincele ukuthi asheshe alulame ngoba umdinga kakhulu.
USuthu lunomdlalo onzima ngoMgqibelo njengoba luqhathwe neSuperSport United e-Atteridgeville Stadium. Lo mdlalo uzoqala ngo-20h15.
Lusayehlulwe yomibili imidlalo oluyigijime ekuhambeni njengoba luqalwe yiChippa United elugaxe u-2-0 eBhayi, e-Eastern Cape, kwalandela iLamontville Golden Arrows elubhabhadise ngo-4-1 ePrincess Magogo Stadium, KwaMashu.
Nokho okuhle ngoSuthu wukuthi selokhu lushaye ibuya kwiPremiership kalukaze lwehlulelwe ekhaya njengoba emidlalweni emine lunqobe emibili lwadlala ngokulingana olwesibalo esifanayo. UJohnson uthe:
“Ngimdinga kakhulu uNyongo kwazise sivele siyaxega njengoba sicaca bha isikhala sikaMichael Morton odonsa isigwebo sekhadi elibomvu. Okubi wukuthi no-Ovidy Karuru usazohlala amasonto ayisi8 engadlali ngenxa yokulimala.” UJohnson ubalisa ngoNyongo nje, uzwakalise injabulo ngendlela ezakhe eziqale ngayo isizini. Kuzokhumbuleka ukuthi lo