NGABE WUSUKU LWAKHO LOKUZALWA NAMUHLA?

QAPHELA njalo ukuthi umqondo wakho kawuwulibazisi ngezinto ezingenampumelelo. Unemibono eminingi mayelana nekusasa lakho. ARIES (March 21-April 19) UMA nje umhlaba uzowubuka ngeso lethemba, ungakubona ukukhanya ebumnyameni. Usesigabeni somzabalazo empilweni yakho, ulungisa kakhulu okumayelana nokukhokha izikweletu. TAURUS (April 20-May 20) UMA ubona ukuthi okwenzayo manje kungase kukushiye nemibuzo ethile, zama ukuziqhelanisa nakho. Nguwena okumele uthungathe ulwazi kunokucabanga ukuthi yilona oluzothungatha wena. GEMINI (May 21-June 21) UHLALE ucabanga amasu okuphunyuka kwezinye izinkinga zakho kodwa ubona izinto zakho sengathi kazihambi kahle. Hlala ngaso sonke isikhathi uzixhumanise nabantu abanolwazi ngalokho okudingayo empilweni yakho. CANCER (June 21-July 22) KUKHONA okumele uhlele ukuxoxa nabo mayelana nezindaba zakho ezithinta ezemali. Uyathanda ukuzinika isikhathi sokwenza izinto ezimqoka bese uphelelwa kalula wumfutho ekugcineni. LEO (July 23-August 22) UZOBA nesithombe emqondweni wakho ngofuna kufezeke. Kunabanye okumele ubambisane nabo kodwa uyabona ukuthi kabazigcini izethembiso zabo kuwena. VIRGO (Augt 23-Sept 22) OKUMQOKA kuwena manje wukunqoba ukungabaza uma ufisa ukuba kwelinye izinga. Ikhono lakho lokuhlela lizoba sezingeni eligculisayo ngoba ukhombisa umdlandla manje. LIBRA (Sept 23-Oct 22) NGUWENA okumele uqhamuke nesinqumo esiwujuqu kuzona zonke izinkinga obhekana nazo. Uzobona ukuthi ubudlelwano bakho buzoba semqoka kakhulu. Ukuthatha isinqumo kumele ungakugwemi noma nini. SCORPIO (Oct 23-Nov 21) KUZOKUPHOQA ngempela ukusebenzela ukonga ezintweni eziningi. Isikhathi okusona manje sikuphoqa ukusebenzisa imali ngokucophelela ngoba ubhekene nezindleko eziningi. SAGITTARIUS (Nov 22-Dec 21) LUKHONA uvalo uma ucabanga ngezindleko obhekene nazo futhi ongaqondi ukuthi uzophuma kanjani kuzona. Ukuzifundisa ukuzimela ngokomqondo, ucabange ngokusobala, kungawukhulula umqondo. CAPRICORN (Dec 22-Jan 19) UKUSUKUMA ulungise izinto ezingalungile kungakusebenzela kakhulu. Ukuxhumana kwakho nabantu kuyokukhulisa elwazini oluningi empilweni. AQUARIUS (Jan 20-Feb 18) KUBUYE kukukhathaze ukuba nemisebenzi eminingi ekuhlalele, udideke ngokumele uqale ngakho nokumele ugcine ngakho. Amathemba azokuphilisa uma izimo zingahambi kahle. PISCES (Feb 19-March 20) NGEKE kwabalula ukulungisa izindaba zakho zangasese uma ungakasithathi isinqumo. Uzozama ukuzithiba kweminye imikhutshana ephambene nonembeza wakho. Uthando lungase lukufake ezindlekweni kulesi sikhathi.