Kushalazele okungadala isifo senhliziyo
ULWESIHLANU olwedlule bekuyiWorld Heart Day, obekusho ithuba lokwexwayisa ngesifo senhliziyo. Ngowezi-2015 lesi sifo bekungesinye sezingathathelwana ezihamba phambili ekufeni kwabantu eNingizimu Afrika, ngokusho kwabeStatistics South Africa.
Ngawo lowo nyaka, ingxenye eyisi-7,5% yemibiko yabafayo eqoshiwe, ibiyamene nezinhlobo ezahlukene zalesi sifo kuzona zonke izinhlanga zakuleli. Nokho-ke ukuba nesifo senhliziyo kakusho ukuthi umuntu usuke esethole isigwebo sentambo ngoba kukhona ongakwenza ukusigwema.
OKUMELE UKWAZI NGESIFO SENHLIZIYO
Ukuhlasela okuningi kwesifo senhliziyo kungagwemeka ngokuqonda nokulawula izinto eziyimbangela yaso.
Osinde ekuhlaselweni yisifo senhliziyo uyakwazi ukubuye aphile kahle futhi ngokunikwa usizo lokwelashwa ngokushesha. Usuku lwamhla zingama-29 kuMandulo (September), izinhlangano zezempilo zilusebenzisa ukwexwayisa umphakathi waseNingizimu Afrika ngobungozi balesi sifo nokusiza
lowo UKUHAMBELA kude nogwayi kungakusiza unciphise ubungozi bokungenwa yisifo senhliziyo. nalowo ukuba isimo sempilo yenhliziyo yakhe aziphathele. Ngokwesitatimende esithunyelelwe abezindaba nguDkt Shanil Naidoo oyi- Medical Director we-Boehringer Ingelheim, eRandburg, eGauteng, uthe: “Ukulandela indlela yokuphila efanele kuyayinciphisa ingozi yokuba uhlase- lwe yisifo senhliziyo nonhlangothi bese kwenza umuntu abe nempilo enhle njalo." Ukuhlaselwa yisifo senhliziyo kwenzeka uma kuminyana umthambo omkhulu othumela umoyampilo ( oxygen) enhliziyweni, imvamisa ngenxa yehlule.
Ingozi yokuba lokhu kwenzeke, yandiswa wukunqwabelana kwamafutha bese kuncipha umgudu wegazi kulowo mthambo.
Kuningi-ke okuyimbangela yokwenyuka kwengozi yokuhlaselwa yile nhlobo yesifo senhliziyo. Lena yimikhuba eyandisa ingozi yokuhlaselwa yile nhlobo yesifo senhliziyo: ukubhema, ukudla okungenampilo, ukuzimuka ngokweqile nokungawunyakazisi umzimba.
Nezifo ezithile ziyayandisa ingozi yokuhlaselwa yilesi sifo, kuzona okubalwa ushukela, umfutho wegazi ophezulu namafutha amaningi egazini. Ngaphandle kwalokhu okushiwo, uyaba nalesi sifo ngenxa yokuba wukhondolo kwaso emndenini nokuba mdala.
Kusho ukuthi-ke ukuyeka ukubhema, wukudla okunempilo nokunyakazisa umzimba lapho kudingeke khona, kusemandleni omuntu nomuntu ukuba akwenze. Ucwaningo lwangowe-2014 luveze ukuthi ingxenye engama-78% yabantu baseNingizimu Afrika abaneminyaka engama-50 nangaphezulu, banomfutho wegazi ophezulu.
Ingxenye engaphansi kwama-40% yalabo bantu ibingazazi ukuthi isinale nkinga kanti eyisi-7% yabo ibikwazi ukulawula isimo somfutho wegazi ophezulu. Ngokusho kukaDkt Naidoo, labo bantu babeka impilo yabo ebucayini bokuhlaselwa yisifo senhliziyo nonhlangothi.
Nakuba singenakwenza lutho ngolibofuzo lwethu nangobudala, kumqoka nokho ukwazi ukuthi ku-mele sizithibe ngohlobo lwempilo esikhetha ukuyiphila, okumbandakanya ukuhlolwa ngudokotela njalo.
Sizoyiqhuba ngokuzayo.
QAPHELA LOKHO OKUKUBEKA ENGCUPHENI