NGABE WUSUKU LWAKHO LOKUZALWA NAMUHLA?

UBUYE ubone sengathi umzabalazo wempilo yakho ukugqilaza ingqondo. Qiniseka ukuthi wonke amagxathu owathathayo agcwele ubulungiswa. Ungatheneki amandla ukuzabalaza empilweni yakho.

2017-10-09 -

ARIES (March 21-April 19)

IKUSASA lakho yilona olibeke phambili. Uyashesha ukuzwela futhi uyashesha ukuthinteka emoyeni ngalesi sikhathi. Kuzodingeka uxhumane nabathile emkhakheni wezamabhizinisi.

TAURUS (April 20-May 20)

ZIZOCHUMA izinhlelo zakho uma ungaqhelelani nabantu abawusizo. Isisekelo simqoka nomgomo uma kunezinhlelo ophezu kwazo. Umqondo wakho uzowuzwa ukhululekile ezintweni ezingakuphathanga kahle.

GEMINI (May 21-June 21)

KUZODINGEKA ufunde ukuthi okuningi kakutholakali kalula kodwa kumele njalo ujuluke ezintweni ozenzayo. Ukwenza izinto obukhali kuzona, kuvumbulula namanye amakhono akho abecashile.

CANCER (June 21-July 22)

UFISA uguquko olunesigqi futhi oluzokuhlomulisa. Ungumuntu ongadikibali kalula empilweni yakho. Amasu amasha azokusiza akubeke lapho ofisa ukuya khona nempilo yakho.

LEO (July 23-August 22)

QIKELELA ukuthi konke okwenzayo usukucabangisise kahle. Uzosibona isidingo sokuhlala uzihlomise ngolwazi. Amasu amasha azokusiza kakhulu empilweni yakho.

VIRGO (Augt 23-Sept 22)

EZINYE izinselelo osewadlula kuzona zikuhlomise kakhulu. Ungapheli amandla uma kunezimo ezifuna ukukubuyisela emuva. Ukudidiyela amasu amasha namadala kuzokusiza unqobe kalula.

LIBRA (Sept 23-Oct 22)

IMIBONO yakho miningi kakhulu ngalesi sikhathi. Uzokwazi ukubumba amasu amasha okuzithuthukisa. Cubungula uhlaziye uma kunezinqumo ezibucayi okumele uzithathe.

SCORPIO (Oct 23-Nov 21)

THUTHUKISA ngomfutho iqophelo lokuphila kwakho ngale kokucabanga kakhulu. Kokunye izinto kazihambi ngendlela osuke ufisa ngayo. Kawuthandi ukuyekelela izinkinga zakho othandweni ungazixazululi.

SAGITTARIUS (Nov 22-Dec 21)

UNGASITHUTHUKISA isimo sokuphila kwakho uma ulandela izinqumo zakho. Yiba nokubekezela nesineke uma ubona kukhona abadinga okungaphezu kwalokho obanika khona.

CAPRICORN (Dec 22-Jan 19)

UKUNQOBA ezinye izinselelo ezivukayo zempilo, kuzoncika ekusebenziseni umqondo wakho ngemfanelo. Umqondo ophile kahle ungakunika lokho okudingayo uphinde ukuhlelele okumqoka kakhulu.

AQUARIUS (Jan 20-Feb 18)

AMANDLA okuphikelela ezindimeni ezahlukene yiwona okumele akubuse ukuze ungalahlekelwa yintshisekelo onayo. Okumqoka ngempilo yakho nguwena nalokho ongakwenza kuvelele kulesi sikhathi.

PISCES (Feb 19-March 20)

UNOKUQONDA okuphelele ukuthi yini ebalulekile empilweni yakho. Kukhona abanye abafisa ukubona imiphumela yenkuthalo yakho. Okuningi kuzolunga ngokuthi wena uyazethemba.