Izindlela zokwenqaba kumqashi CAREERS CORNER:
ENYE INDLELA YOKWENQABA WUKUBA UTHI “NGISAZOCABANGA”
UMA usemsebenzini kunezinto okungelula nakancane ukuba uzenze noma uzisho ikakhulukazi uma zizoveza olunye uhlangothi ngawe. Esikhathini esiningi abantu benza konke okusemandleni ukuqinisekisa ukuthi bayawuhlonipha umsebenzi futhi basebenzisana kahle nozakwabo.
Kwesinye isikhathi kuba nzima ukuba wenqabe uma umphathi wakho ekucela ukuba umenzele okuthile kusekhona osakwenza. Ukwenqaba kumphathi wakho kungakwenza ubukeke njengomuntu ongahloniphi futhi ongawukhathalele umsebenzi.
Kumele kucace ukuthi uma usebenza zingaba khona izimo ezingakuphoqa ukuba wenqabe kumphathi wakho uma ekucela kube kukhona okwenzayo.
Kodwa kunezindlela zokwenqaba ngendlela ehloniphekile engeke ikubeke njengomuntu ongahloniphi noma ozenzela umathanda emsebenzini.
Uma unomsebenzi omningi okumele uwenze, ungamazisa umphathi wakho ukuthi umpintshekile okwaleso sikhathi.
Mcele umphathi ukuba akusize uhlele kahle izinto uma unomsebenzi omningi okumele uwenze ngaphambi kokuba wenze lokhu akucela ukuba umenzele khona.
Uma ekucela umphathi wakho mphendule ngendlela ezomenza abone ukuthi unomsebenzi omningi okumele uwenze futhi kusazothatha isikhathi ukuba uwuqede.
Mchazele futhi ukuthi uma wenza lo afuna uwenze kuzomele umise omunye umsebenzi obuwenza.
Ngalokhu wenza abone ukuthi ngeke kube lula ukuba wenze akucelayo futhi kumnikeza nethuba lokuba abone okubalulekile phakathi kwalokhu akufunayo nalokhu okwenzayo.
Uma uzakwenu enisebenza naye ekucela ukuba umsize ngowakhe umsebenzi ngoba usalele emuva, uma ungeke ukwazi futhi kukhona osakwenza kungcono ukuba umt- shele ukuthi usazocabanga.
Phela uma wenqaba ukumsiza noma ukumenzela akucela khona kungabukeka sengathi uyazikhukhumeza futhi awukwazi ukusebenza ngokubambisana nabanye ozakwenu.
Yingakho ukuthi usazocabanga kungaba ngenye yezindlela zokumchitha ehloniphekile ngoba lokhu kungabukeka njengokuthi usabheka okubalulekile ngaphambi kokuba umsize.
Nakuba zikhona izimo ezingakuphoqa ukuba wenqabe emsebenzini kodwa akukwakheli isithombe esihle kwabanye. Kwesinye isikhathi uyophoqeleka ukuba uyeke konke okwenzayo wenze lokhu okucelwayo ukuze kuqhubeke umsebenzi.
Qinisekisa ukuthi uthatha isinqumo esihambisana nokubaluleka komsebenzi.
lucky. *Ulwazi lucashuwe kwi-Careers24
ZOKWENQABA NGENDLELA EHLONIPHEKILE