AbaKhwanazi nemashi yokuvala isiqiwu
Bathi ubuholi abaziswanga ngaso
LUTHATHA elinye igxathu udaba lombango wendawo yaseDukuduku, eMtubatuba, ogwini olusenyakatho yeKwaZulu-Natal, njengoba isizwe sakwaMkhwanazi, KwaMpukunyoni, sihlela ukumasha ngoLwesihlanu.
Le ndawo ibangwa yisizwe sakwaMkhwanazi nesakwaMthethwa, KwaMbonambi.
Imashi kayikho mayelana nale ndawo kuphela kodwa kuvela ukuthi ihlanganisa nezinye izinkinga lesi sizwe esikhala ngazo okubalwa udaba lwesiqiwu esikule ndawo, iSimangaliso Wetland Park, nokuthi uMnyango wezokuBusa ngokuBambisana nezoMdabu KwaZulu-Natal, ususe uMnu Walter Nsele - okuthiwa ubhekelele ezentuthuko eDukuduku - abangaphansi kwesizwe sakwaMkhwanazi abathi kabasamfuni, kuvinjwe nendodana yeNkosi Ntemba Mthethwa, uVeni, ukuba iye eDukuduku.
Kuvela lokhu nje, ngoLwesine ILANGA libike ukuthi indlela isimo esimuncu ngayo - phakathi kwabaKhwanazi nabaThethwa - kuze kwaphoqeleka ukuba kubhuntshe umhlangano obuhlelwe ngabakwaMthethwa emuva kokuba amaphoyisa encinzwe indlebe ukuthi kukhona abahlela uku-