UCaster noManyonga badle ubhedu kwiSA Sports Awards
BAQOPHE umlando abagijimi behlomula ngemiklomelo emqoka kwiSouth African Sports Awards izolo ngeSonto eKempton Park, eGoli.
Kulo mcimbi obuhlelwe wuMnyango WezeMidlalo kazwelonke oholwa nguThulas Nxesi, bekungowokuhlonipha abadlali bakuleli abenze kahle emikhakheni eyahlukene kuleli naphesheya kwezilwandle.
UCaster Semenya uklonyeliswe ngeSportswoman of the Year ngokubuya nendondo yegolide neyesiliva kwi-International Association of Athletics Federation (IAAF) World Championships ngoNcwaba (August) eLondon, kwathi uLuvu Manyonga wathola oweSportsman of the Year. UManyonga ubuye negolide kwiLong Jump eLondon. Ubuye wenza kahle kwi-IAAF Diamond League.
USakwakhana Zazini uthole oweNew Comer of the Year ngokubuya negolide kwi-IAAF World Junior Championships eKenya. Umqeqeshi kaCaster, uJean Verster, uhlabane ngowokuvelela kulo mkhakha.
NeKwaZulu-Natal kayisalanga ngaphandle njengoba uSanelisiwe Khuzwayo wekhilikithi ebuye nomklomelo we-Administrator of the Year. NakwiKwaZulu-Natal Sports Awards uSanelisiwe uhlabane ngomklomelo ofanayo.
Selulonke uhlu lwabanqobile lumi kanje: Sports Administrator of the Year (Sanelisiwe Khuzwayo), Sportsman of the Year (Luvo Manyonga), Sportswoman with disability (Dyan Bius), Sportswoman of the Year (Caster Semenya), Sportswoman with Disability (Ilse Hayes), iTeam of the Year (Springbok Sevens), iNewcomer of the Year (Sakhakhana Zazini), uCoach of the Year (Jean Verster), iVolu-nteer of the Year (Samuel Maduwa), Indigenous Games of the Year (North West Kho-kho Team), iNational Federation of the Year (Lifesaving SA), iRecreation Body of the Year (In Touch Community Support Group), iPhotographer of the Year (Simphiwe Nkwali), iJournalist of the Year (OG Molefe), iSchool Team of The Year (St Marys School Waverley), iDeveloping School of the Year (Hlangabeza Primary School - U/13 Chess).