BANXENXA IZINKAMPANI ABE-NETBALL
Ebika eseMpangeni
UMENGAMELI weNetball KwaZulu-Natal uThemba “TV” Mkhize unxenxa izinkampani ezizimele ukuxhasa lo mdlalo ikakhulukazi iSuper League okuqhudelana kuyona amakilabhu akulesi sifundazwe.
UMkhize ubekhuluma neLANGA ngoMgqibelo ebusuku ngesikhathi kunomcimbi wokuklomelisa abadlali abenze kahle kulo mdlalo nonyaka.
Lo mcimbi ubuhanjelwe ngobengumengameli weNetball South Africa, uMimi Mthethwa-Zulu, uMengameli weKwaZuluNatal Sports Confederation uThami Mchunu, iMeya yaseMfolozi uSmanga Mgenge ukukha nje phezulu.
UMkhize ukhale ngokungabi nabaxhasi kweSuper League okwenza isifundazwe singenzi kahle kulo mdlalo.
UBongiwe noSphelele Mthembu benze kahle kakhulu bethola umklomelo wokuba umdlali ovelele ngokwehlukana kobulili. UBongiwe ubuye wathola nowePersonality of the Year.
Isiyonke imiklomelo yalo mcimbi ihambe kanje:
1.Personality of the Year (uBongiwe Msomi), 2.Sportswoman of the Year (uBongiwe), Sportsman of the Year (uSphelele Mthembu), Coach of the Year (uJoseph Taylor Mhlongo), Umpire of the Year (uSimphiwe Gumede), Manager of the Year (u-Ester Krafft), Technical Official of the Year (uCongo Nxumalo), Team of the Year (iKZN Males A1), District of the Year (i-Ethekwini Metro), Defender of the Year Females (uJessica Khomo), Defender of the Year Males (uJabulani Mthembu), MidCourt Player of the Year - Males (uLinda Madondo), Mid-Court Player of the Year - Females (uXolile Shange), Shooter of the Year - Males (uSphelele), Shooter of the Year Females (uNontsikelelo Mazibuko), Most Disciplined Player (uMlungisi Mthembu), Administrator of the Year (uGugu Ngema), Presidential Award (uMimi Mthethwa-Zulu).