Ikudalile ukushisa iHeatwave eThekwini
BEKUHLANGENE izifundazwe ezihlukene emcimbini womsakazo iMetro FM obizwa ngeHeatwave. Lo mcimbi osunesikhathi wagcina ukubanjelwa eThekwini ukhuze ibuya kulo nyaka ubophele izintandokazi zamaciko endaweni yobumnandi i-Eyadini Lounge.
Yize noma imvula ibihlupha ngezikhathi zasemini kodwa abantu kabaphelanga umoya njengoba bekugcwele kungangeneki. Abasakazi balo msakazo bebesina bededelana bejabulisa abalandeli babo.
Iningi labantu ebelihambele lo mcimbi beliqhamuka eGoli, eKapa, Limpompo naseMpumalanga. Lokhu bekuzwakala ngoba uma abaphathi bohlelo bememeza izifundazwe abavela kuzona nekuduma uMlaza.
UDineo Ranaka ongomunye wabasakazi beMetro FM uhlanyise abantu ngemidanso yakhe ngesikhathi ephethe uhlelo. Ubelokhu ebonge njalo kubaphathi balo msakazo ngokumqasha ukuzosebenza kuwona.
“Ngiyabonga kakhulu kumphathi uBongi Mtyali ngokungiqasha ngiwuskhotheni kodwa wangenza umuntu”
Lokhu ubelokhu ekusho ephindelela. Ezinye zezinhlelo kubalwa nolukaDJ Oskido bezisakazwa bukhoma Eyadini.
Uthe eqeda ukusakaza (u-Oskido)akachithanga sikhathi ugibele estage wabangena ngengoma. USelbyonce woKhozi FM ungene kwasangana abantu abebehambele lo mcimbi.
Izintandokazi uBenny Maverick ehambisana noDladla Mshunqisi bangene ezintatha bashaya abadume ngazo, ngemumva kwabo kungene iDistruction Boyz nayo engaconsi phansi kubalandeli bayo, engene yadedela igqomu yayivala ngengoma i-Omunye.
Abanye bamaciko abebeboshelwe kulo mcimbi uDJ Feel, uDJ Webster, uMalwela, uDJ Thukzin, nabanye abaningi.
Umcimbi uze wavalwa ezintathakusa nguDJ Boonu wodumo loSwidi.
Ngiyabonga kakhulu kumphathi uBongi Mtyali ngokungiqasha ngiwuskhotheni kodwa wangenza umuntu.