NGABE WUSUKU LWAKHO LOKUZALWA NAMUHLA?
ITHEMBA liyakuphilisa kakhulu empilweni yakho. Noma yini oyenzayo kuzomele uyenze ngomdlandla nokuzimisela ukuze uzophumelela kahle. Ukuhlonipha abanye abantu kungakwakhela ugazi.
ARIES (March 21-April 19)
UNGUMUNTU ohlale enamaqhinga amaningi. Isibindi onaso njengamanje sikwenza uhlale unethemba. Uzobuka ikusasa kunokuba ubuke isimo esenzeka manje.
TAURUS (April 20-May 20)
UYAQONDA ukuthi kukhona ukungaboni ngasolinye nabathile. Lokho okholelwa kukhona ungalinge ugudluke kukho. Ungalinge uhlehlise imisebenzi okumele uyenze manje.
GEMINI (May 21-June 21)
UYAZIGQAJA ngalokhu okuzuzile. Ziningi izidingo ozokwazi ukuzifeza manje ezibhekene nawe ngqo. Phikelela namaqhinga okwakha umnotho nenzuzo ethe xaxa.
CANCER (June 21-July 22)
ABANYE babuye bangakuqondi ngoba uhlale uguquka njalo. Kumele uzikhombise izimpawu zokuthi ungumholi kuyona yonke imikhakha obekwe kuyona. Abanye kumele babone impilo yakho iyisibonelo kubona.
LEO (July 23-August 22)
IZINGA lokucabanga kwakho nokwenza izinto lizothuthuka kakhulu. Unemizwa ethile ngomunye onobulili obuhlukile. Zikhona izinto obuye uzenze kodwa unembeza wakho ukuphikise.
VIRGO (Augt 23-Sept 22)
KAKUMELE ucabange ukuthi abanye kabakwazi ukusebenzisa umqondo njengawe. Ubuholi obuqotho buhambisana nokuhlonipha imibono nokucabanga kwabanye abantu.
LIBRA (Sept 23-Oct 22)
LUBEKE eceleni uvalo uma wenza izinhlelo zakho. Uzokwazi ukubona okukulungele nokungakulungele. Ungalinge udlale ngezinto okungadlalwa ngazo ngoba zizokulimaza ekugcineni.
SCORPIO (Oct 23-Nov 21)
UYAQONDA ukuthi okunye okubambezela izinhlelo zakho wukuvilapha kwakho. Kunezinto ezibuye zingakusizi ngalutho kodwa othanda ukugxila kuzona okumele uzigweme.
SAGITTARIUS (Nov 22-Dec 21)
YISIKHATHI esimatasa kakhulu lesi kuwena ngezinto eziningi ezahlukene. Ukuba matasa kwakho ekugcineni kuzoba nomvuzo omuhle. Ukusebenzisa ikhono lakho kuzokubeka kwelinye izinga.
CAPRICORN (Dec 22-Jan 19)
KAWUGUDLUKI kalula ezinkolelweni zakho. Uyathanda ukwenza izinto ezizokuthuthukisa zikubeke ezingeni eliphakeme. Gada ulimi lwakho ukuze unganyatheli abanye amakhona.
AQUARIUS (Jan 20-Feb 18)
AMANYE amaphutha ongena kuwona adalwa wubudedengu bakho. Uzokulwela ukubuyisa isithunzi sakho kwabakubukela phansi. Umfutho obunawo uyehla.
PISCES (Feb 19-March 20)
KUNEZINTO okumele ukhethe abantu uma uzikhuluma hhayi ukuzikhuluma budedengu. Unemibono eminingi emihle kodwa ugcina ungasalalelwanga ngenxa yenkani yakho nokusebenzisa ulaka.