UMQHUDELWANO ELENGE
IYINALA imidlalo kanobhutshuzwayo yokusonga unyaka. AbaseBergville bayaziswa ukuthi amakilabhu azoqhudelana emqhudelwaneni wale ndawo oba minyaka yonke azoqhathwa ngoMgqibelo emahhovisi kaMasipala oKhahlamba Bergville Municipality.
Umqhudelwano uzoqala mhla zili-19 kwephezulu usongwe zinga-30 kwephezulu.
Kucelwa amakilabhu ukuba athumele izithunywa ngazimbili ngosuku lokutonyulwa kwamakilabhu. Lo mqhudelwano uzodlalwa ngamakilabhu angama-32, phakathi kwawo okukhona iChelsea, iLondon Cosmos, Amangwane Sweepers, African Stars neDurban Tigers. Abadidiyeli balo mqhudelwano bacela umphakathi wakule ndawo noyakhele ukuba uphume ngobuningi bawo. UMASIPALA waseMzimkhulu uhlelele umphakathi wakule ndawo umqhudelwano webhola lezinyawo ozokuba ngoMgqibelo lapho kuzokube kudlalwa khona wonke amawadi angama-22 akhele le ndawo. Lo mqhudelwano uzoqala ngelesikhombisa ekuseni ezinkundleni zemidlalo kaBombo.
Izingqwele kulo mqhudelwano oxhaswe ngusomabhizinisi wendawo ngemali engaphezulu kuka-R500 000 zizohlomula ngo-R100 000 kuthi abalale isibili bathole u-R50 000 bese kuthi abasendaweni yesithathu neyisine bathole u-R25 0000 ngokwehlukana. Kuthiwa wonke amakilabhu azobamba iqhaza kulo mdlalo azothola u-R1 000 aphinde aqashelwe nezimoto ezizowaletha ezinkundleni zemidlalo. Abanye abaxhase lo mqhudelwano ngabakwaVodacom noBuild It. Kulo mqhudelwano kungenzeka kube khona izinhloli zeMamelodi Sundowns ukuzohlwaya abadlali. KULINDELEKE izinga eliphezulu emqhudelwaneni wonyaka Osizweni Soccer Tournament ezoqala mhla zingama-24 kwephezulu isongwe zingama-30 oSizweni Stadium, eNewcstle. Nakulo mqhudelwano izingqwele zizohlomula ngo-R100 000 kanti amakilabhu azokhiphana inkani kulo mqhudelwano angama-32.
Indawo yaso Osizweni idume nokuba nabadlali abaningi abahlonishwayo eNingizimu Afrika phakathi kwabo kukhona uSamora Khulu, uSizwe Motaung abangasekho kube nguFani Madida, uSiyabonga Nkosi, uHelman Mkhalele, uSiphamandla Kubheka, uSifiso “Chopper” Hlanti ukubala nje abambalwa. Abafuna ulwazi ngalo mqhudelwano bangaxhumana no-Adv Thami Mthembu kwethi: 072 617 0713. ASEQHATHIWE amakilabhu azobamba iqhaza kwiLenge Soccer Tournament ezokuba mhla 25 kuya zingama-28 ezinkundleni zemidlalo Kwandebele kwephezulu eneminyaka engama-38 yasungulwa. Izingqwele kulo mqhudelwano oxhaswe abakwa-Aquelle, uMnyango Wezemidlalo, iFuture Life, iBuild It, iNYDA neMajuba College. Izingqwele kulo mqhude-lwano zizohlomula ngo-R20 000, isibili kube nguR10 000, u-R5 000 isithathu bese kuba ngu-R4000 kwabazongena isine. Yonke le miklomelo ohambisana nezindo-ndo nejezi. Abafuna ulwazi ngalo mqhude-lwano bangashayela enombolweni ethi: 072 869 9423.
KwiGroup A: Happy Hearts, Sunrise, Carnubus, Ezakheni
KwiGroup B: Comeboys, Peace Makers, City Rockies.
KwiGroup C: Ilenge United.
KwiGroup D: MZ United. Mighty Birds, Liverpool, Junior Pirates, Vultures,