NGABE WUSUKU LWAKHO LOKUZALWA NAMUHLA?

KHETHA ithuba eliyingqayizivele lokuzithuthukisa empilweni yakho. Shabasheka kakhulu kunakuqala ukuzama ukuveza ikhono lakho livelele ngoba yilona elingakuvulela amanye amathuba.

2018-01-15 -

ARIES (March 21-April 19)

KUKHONA ezinye izinto ezingadingi uvo lwabanye kodwa ozitshelwa wunembeza wakho. Kumqoka ukulandela unembeza kwezinye izinqumo zakho. Ungazami ukuphambana nezimo.

TAURUS (April 20-May 20)

ZINIKE isikhathi ufunde izimo zempilo. Umaqondana uyaludinga usizo lwakho kakhulu kodwa ngeke ukwazi ukumsiza kukho konke. Izinkinga zakho kakumele nakancane uzizibe.

GEMINI (May 21-June 21)

KUNAMANYE amancoko abuye angahlali kahle kwabanye abaseduze kwakho. Zifundise ukukhuluma izinto ongathanda uma zikhulunywa kuwena. Abanye osondela kubona bayahlehla. Labo ohlehla kubona bayasondela.

CANCER (June 21-July 22)

EMPILWENI uvuna okutshalile, kumele ungakulibali lokho. Uma wenza kahle kwabanye kuzoba nomvuzo omuhle ekugcineni. Ukuxhumana kwakho nabathile kuzokwenza usheshe uthole usizo kokudingayo.

LEO (July 23-August 22)

UMA uwedwa uyakwazi ukuvumela imicabango yakho igeleze kahle uthathe nezinqumo ezifanele. Uyakuthanda ukubonisa abanye ngezinto ezimqoka empilweni. Kunabanye abangeke bazigcine izethembiso zabo kuwena.

VIRGO (Augt 23-Sept 22)

UNGUMUNTU ozethembayo ezintweni eziningi kanti uyakwazi ukuba nobuciko ezintweni eziningi. Ezinye izinto ozama ukuzifihla, bakhona abazibonayo. Uhlale unomqondo ojulile neso elibukhali ezintweni abanye abangazinakile.

LIBRA (Sept 23-Oct 22)

IMPILO yakho akekho ongayilungisa ngaphandle kwakho. Kunezidingo eziningi obhekene nazo manje kodwa emuva kwesikhashana kuzobuye kulunge. Bambisana nomaqondana ukuze nizohlela izinhlelo eziya phambili.

SCORPIO (Oct 23-Nov 21)

UNOMFUTHO wokwenza izinto kodwa ubuye udikibale kalula. Ezinye izinhlelo zakho zidinga amasu ajulile kakhulu nobuhlakani. Zinikele ekwenzeni izinto ezimqoka uze uziphothule ngale kokudikibala manje.

SAGITTARIUS (Nov 22-Dec 21)

UYAKWAZI ukonga nokubona izinto ezimqoka. Kuzodingeka ukhuthaze abanye ukubeka imali. Unembeza wakho uyakulahla ezintweni ongazenzanga kahle. Kuningi okuhle okufisayo ngobudlelwano bakho.

CAPRICORN (Dec 22-Jan 19)

UBUDLELWANO bakho nesithandwa sakho ngeke ukwazi ukubuthuthukisa wedwa budinga ukubambisana. Kumele uziqonde ukuthi udingani futhi uphikelele kuphi, uyeke ukulandela izinto ezingakudingi.

AQUARIUS (Jan 20-Feb 18)

KUNESIKHATHI lapho okungamele khona usebenzise imizwa kodwa usebenzise umqondo ekuhlaziyeni nasekwenzeni izinto. Ezintweni ezimqoka, kakumele unqikaze.

PISCES (Feb 19-March 20)

UNEZIDINGO zakho kodwa bakhona nabanye abafisa ufeze ezabo. Impilo yakho inomthwalo wokuba ukhuthale nokuyeka izinto ezingabalulekile kuwena. Ukubambisana nomndeni kuzoba mqoka.