BAYAYICHITHA EYOKUBHEKANA NENKINGA

Ilanga - - Izindaba -

IZIHONGA zeBoko Haram zikhulule othisha abathathu basenyuvesi nabesifazane abali-10 ezibathumbe ezindaweni ezahlukene zaleliya lizwe ngonyaka odlule.

Lokhu kuvezwe wuhulumeni waseNigeria ngoMgqibelo. Ngokusho kukaMnu Garba Shehu, okhulumela uMengameli waseNigeria, uMnu Muhammadu Buhari, labo thisha bathunjwe besebenzela iNigeria National Petroleum, behlola ukuthi ngabe kawukho yini uwoyela ongambiwa edanyini iChad, elizungezwe ngamazwe amane okuyiChad, yiNiger, yiCameroon neNigeria. Abanye ozakwabo babulewe ngesikhathi bona bethunjwa.

Laba besifazane abali-10 bona bathunjwe ngesikhathi kunenhlabaluhide yamasosha namaphoyisa nyakenye emgwaqweni osedolobhanyaneni iDamboa ngaseMaiduguri, okuyinhlokodolobha yasesifundazweni iBorno.

“Badedelwe emuva kwezingxoxo eziningi ebezigqugquzelwa nguMengameli Buhari, ziqhutshwa yiInternational Committee of the Red Cross,” kusho uMnu Shehu othe uMnu Buhari ujabule ngokudedelwa kwezisulu zeBoko Haram.

IBoko Haram igqame kakhulu ngesikhathi ithumba amantomba- zanyana angama-276 esesikoleni sikahulumeni eChibok, eBorno ngowezi-2014 , Umthombo ngabe: AP I-CENTRAL Intelligence Agency (CIA) - okuyinhlangano yezobunhloli yase-United States of America (USA), iyikhabe ngazo zombili imibiko yokuthi ibhekene nenkinga ngenxa yomuntu waseRussia oyithembise ulwazi oluthile ngoMengameli Donald Trump - yagcina ingene ogibeni lokuqolwa.

I-CIA engavamile ukuphawula ngezinto eziyithintayo, ivuke indlobane ngoMgibelo yaphawula ngalolu daba oluphume ngoLwesihlanu ephephandabeni iNew York Times nakwiThe Intercept, ebhala ezimayelana nezokuphepha kwaleliya lizwe kumyalezinyazi ( online).

“Le nsumansumane yokuthi iCIA iqolwe u-R1 999 760, ngamanga aluhlaza cwe. Abantu abaqoliwe la nguJames Risen noMatt Rosenberg,” kusho iCIA esitatimendeni ibhekise entathelini yeTimes, uRosenberg, okuyiyona ebhale udaba noRisen oke wasebenzela iTimes.

URisen nguyena obhale udaba olukwi-Intercept.

UMengameli Trump wenze adume ngazo wababela enkundleni yezokuxhumana, iTwitter wabhala ukuthi umbiko weTimes ukhomba ukuthi maningi amazambane abolile okumele akhucululwe e-USA.

Kulolu daba lweTimes kuvela nokuthi kunabathile abanikezane i-USB enezimfihlo, okwenzeke endaweni yokucima ukoma eseBerlin, eGermany.

Leliya phephandaba libike ukuthi izinhloli zeCIA zichithe isikhathi esiningi nyakenye zizama ukuthenga kwiRussia imishini yale nhlangano yokupopola imikhuba yabanye abantu, entshontshwe ekomkhulu leNational Security Agency. AFP

Newspapers in Zulu

Newspapers from South Africa

© PressReader. All rights reserved.