Ulaxaze isiNgisi ecabangela ezomdabu

Ubebhala inoveli yakhe yokuqala

UJIKE endleleni walaxaza isiNgisi umbhali wesifazane ozokhipha incwadi yakhe yokuqala ngqa njengoba ethi uqale ukuyibhala ngalolu limi oluhlale luqhakanjiswa ngisho nangabamnyama njengolokuxhumana emhlabeni wonke, waqoma ukuyiqobela ngesiZulu.

UNkk Malindi Dlamini, uMaShozi, osanda kushicilela inoveli ethi‚ "uZekhethelo", uthi le ncwadi yakhe izokwethulwa mhla ziyisi-7 kuMbasa ( April) emtapweni wolwazi kaMasipala weTheku, osoThongathi.

Le ncwadi kakuyona eyamavila okufunda njengoba inamakhasi angama-278.

UNkk Dlamini uthi okumenze washintsha umqondo ngokubhala le ncwadi ngesiNgisi wukuthi ukhathazwe yingozi enyonyobela izilimi zomdabu njengoba kubukeka sengathi ziyashabalala.

Lo mbhali uzalelwe eTshe- limnyama, entshonalanga yeTheku. Ngowe-1989 umndeni wakubo usukile kule ndawo ngenxa yeziyaluyalu ebezikhungethe leli lizwe ngaleyo minyaka, wayokwakha eNanda. Kulapho ephothule khona umatikuletsheni eNkosinathi High School.

Uthi uthando lokubhala luqale esemncane njengoba ubebhala izinkondlo kodwa abengahlosile ukuba zishicilelwe. Uthe izinkondlo lezi bekuyindlela yokuxoxa naye uqobo, okuyinto asaqhubeka nokuyenza namanje.

Uthi uyazifela ngokubhala amanoveli, ugqozi ulufakwe yizincwadi zikaMnu Kenneth Bhengu, ikakhulukazi ethi, "Nyambose noZinitha”.

Isifiso sikaNkk Dlamini wukuba uZekhethelo ufundwe yintsha okuyiyona eyikusasa lesizwe.

Le ncwadi ikhuluma ngentokazi eyahamba yayokipita kanti izoba nezinkinga okuthe uma isishiya lapho yafica ontanga bayo sebekude nempilo.

ISITHOMBE NGU: NKOSINGIPHILE DLAMINI SENGINGAWUWELA ngisho udla izindwani uMzimkhulu inqobo nje uma ngizobona lokhu kumamatheka kwakho ntombi! Le ntokazi, enguBandile Jili (22) waseNtembeni, eMzimkhulu, yenza izifundo zokuqeqesha eSayidi College. Ithanda ukuhlala kubo noma iye kwezinye...

ISITHOMBE NGU: JOHN HLONGWA UNKK Malindi Dlamini ubhale incwadi ethi, "uZekhethelo" ezokwethulwa maduze.