Isigameko esibi emjahweni kandunankulu
Umgijimi ubanjwe inkunzi waphucwa iselula nemali
UQALE ngesigameko esibi umjaho wokuhlonipha uNdunankulu waKwaZulu-Natal uWillies Mchunu obizwa ngoMtshezi 10km Challenge obungoMgqibelo usukela e-Estcourt High School wasongwa eWembezi Stadium.
UMakhosi Mhlongo waseHammarsdale uhlangabezane neshwa ebanjwa inkunzi ephikelele kulo mjaho waphucwa iselula nemali.
Utshele ILANGA ukuthi kusize ukuqhamuka kwabaqaphi besikole abazamile ukumsiza kodwa inswelaboya yagcina ikwazile ukubaleka neselula nemali yakhe.
Uthi usizwe wukuthi imali ubeyifake ezindaweni ezahlukene okwenze wakwazi ukubhalisa.
Nokho eyokubuyela emuva ubengenayo wasizwa ngunondweba weKwaZulu-Natal Athletics (KZNA) omthathile kwazise bahlala elokishini elilodwa naye.
Yize ebanjwe inkunzi, uthe uzokube eyingxenye yalo mjaho nangonyaka ozayo kwazise ugcine engene endaweni yesithathu kuwona elandela uLineo Chaka waseLesotho, kanti ingqwele kube nguJenet Mbhele waseMzimkhulu.
Kulo mjaho obuphethe isamba sika-R10 000 kwizingqwele kubo bobubili ubulili, kukhonye abasubathi baseHarry Gwala njengoba kwabesilisa intambo ishaywe nguThobani Chagwe ngesikhathi esingu-30:57 emiswe kabi nguAyanda Mncube kwathi u-Anele Dlamini walala isithathu.
Kulo mjaho bekulindeleke uMchunu nokho ogcine engafikanga kwazise ubehambele inkulumo yesizwe ngoLwesihlanu eCape Town. UNgqongqoshe wezeMidlalo esifundazweni, uBongi Sithole Moloi ubekhona ehambisana nemeya yaseMtshezi uJabu Mbhele.
Ngemuva komjaho uSitholeMoloi uhambele eMnambithi ukuyovula ngokusemthethweni uhlelo lokusiza intsha ukubhukuda.
Isiyonke imiphumela yoMtshezi 10km Challenge ihambe kanje, kwabesilisa: 1.Thobani Chagwe (Maxed) 30:57, 2.Ayanda Mncube (Ethekwini) 31:19, 3.Anele Dlamini (Hammarsdale) 31:30, 4.Ndumiso Sokhela (Mgungu AC) 31:35, 5.Sibusiso Kubheka (Nedbank) 31:44, 6.Lungelo Khumalo (IND) 31:46, 7.Jeffrey Gwebu ((KPMG) 32:03, 8.Phalang Mosiea (IND) 32:21, 9.Thabani Ngwenya (Petersburg) 32:28, 10.Katleho Moloi (SNV) 32:44. Ku-35 kuya ku-39: 1.Jeffrey Gwebu (KPMG) 32:03, 2.Matekase Lefatsa (Phuma) 34:05, 3.Senzeni Thomas (Umyuyu) 35:40. Ku-40 kuya ku-49: 1.Simphiwe Zulu (Hollywoodbets) 33:14, 2.Mjabuliseni Mlambo (Estcourt) 36:24, 3.Dumisani Nzama (Emtshezi) 40:42. Ku-50 kuya ku-59: 1.Reginald Ngobese (IND) 34:54, 2.Dumisani Hlongwane (Loskop Gijima) 41:36, 3.Bethuel Mlambo (Nedbank) 43:18. Ku-60 kuya phezulu: 1.Eric Walton (Medhelp) 1:07:20, 3.Keerath Ramsahaye (Fordeville) 1:11:27. Kumajuniya: 1.Thabani Ngwenya 32:28, 2.Ntsikelelo Makhanya 33:16, 3.Phendukani Gama 35:47. Kwabahambayo: 1. Vukani Mdunge 49:59, 3.Frans Chauke 1:10:53.
Kwabesifazane: 1.Jenet Mbhele (Umzimkhulu) 35:53, 2.Lineo Chaka (Maxed) 37:23, 3.Makhosi Mhlongo (Boxer) 39:51, 4.Zama Mokoena (Nedbank) 40:56, 5.Nwabisa Mjoli (Hollywoodbets) 41:06, 6.Nokuthula Ntshangase (Savages) 41:51, 7. Ntobeko Mlambo (Loskop Gij) 42:01, 8.Xoli Madida (Natal Carbs) 43:11, 9.Nokukhanya Memela (Nedbank) 45:40, 10.Minenhle Mncube (Loskop Gij) 46:02. Ku-35 kuya ku-39: 1.Makhosi Mhlongo (Savages) 39:51, 2.Zama Mokoena (Nedbank) 40:56, 3.Precious Duma (Nedbank) 48:21. Ku-40 kuya ku-49: 1.Zandile Khumalo (Loskop Gij) 51:18, 2.Tholakele Ngcobo (IND) 51:29, 3.Nomusa Miya (Drakensburg) 1:06:50. Ku-50 kuya ku-59: 1.Thembisile Mwelase (KwaDabeka) 57:00, 2.Belinda Smith (Medhelp) 1:08:25, 3. Thulisile Nxumalo (Loskop Gij) 1:27:06. Kumajuniya: 1.Minenhle Mncube (Loskop Gij) 46:06, 2. Miranda Mzobe (Loskop Gij) 50:46, 3.Amanda Zuma (Loskop Gij) 55:26.
Kwabahambayo: 1.Xolisile Mwelase 1:07:34, 2.Hlobisile Madida 1:07:54.