IZINGA ELIPHEZULU KWEYEZINKAMPANI
KULINDELEKE izinga elicokeme emidlalweni yezinkampani esungulwe uFana Mbatha ozakhele udumo egijima kwiBloemfontein Celtic.
UFana uhlobene noSiyabonga Mbatha ovimbela AmaZulu FC, kanti uhlele umqhudelwano wezinkampani ezahlukene zaKwaZulu-Natal obizwa nge-Old Mutual Industrial Newcastle Tournament ozokuba ngoMgqibelo kusuka ngo08h00 ezinkundleni zaseParadise, eNewcastle. Kulo mqhudelwano kuzokube kugadulisana izinkampani ezili-14 eziqhamuka ezindaweni ezahlukene zakulesi sifundazwe.
Kuzokube kuboshelwe iMacS- teel Newcastle, iRocla Newcastle, umasipala waseNewcastle, iLanxess Newcastle, iMittal 1, iMittal 2, iSimba Durban, iTakata Durban, iTransnet Newcastle, iCeza Education, iMelmoth Education, Ithala Ladysmith, iNewcastle Education neNcome Prison.
Iqembu elizodla ubhedu lizothola inkomishi, yijezi ne- voucher yenyama ka-R1000, bese kuthi elilale isibili lithole inkomishi nezindodo sesiliva.
UMbatha uthi usungule lo mqhudelwano ngenhloso yokukhuthaza ukuzivocavoca kwezisebenzi. Uthi eminye imidlalo elandelayo izokuba mhla zingama-24 kuNdasa (March) eSipingo Beach, eThekwini.