I-CELL C SHARKS YETHEMBISA AWAPHESHEYA INDUKU KWI-SUPER RUGBY

UMQEQESHI weCell C Sharks uRobert Du Preez Snr ufuna ukubuyisa isithunzi sale kilabhu njengoba ezakhe zizoba nemidlalo emine yeSuper Rugby ekuhambeni.

ISharks ibhekise amabombo phesheya lapho izoba khona nemidlalo e-Australia naseNew Zealand.

Izovula lolu hambo neBrumbies ezobhekana nayo ngoMgqibelo ngo-10h45 eGio Stadium, e-Australia.

URobert uthi ukholwa wukuthi ukuguqisa kwabo iSunwolves ngo50-22 ngeledlule kwenyuse ukuzethemba kubadlali bakhe.

Uthi inhloso yabo enkulu ngalolu hambo wukubuyisa isithunzi seSharks esiqala ukushona phansi.

Selilonke iqembu elizomela iSharks ekuhambeni limi kanje:

Abaphambili: U-Akker Van Der Merwe, uChiliboy Ralepelle, uFranco Marius, uHyron Andrews, uJacques Vermeulen, uJean-Luk Du Preez, uJohn-Hubert Meyer, uJuan Schoeman, uRuan Botha, uStephan Lewies, uTendai Mtawarira, uTera Mtembu, uThomas Du Toit, uTyler Paul, noWian Vosloo.

Abasemuva: u-Andre Esterhuizen, uCameron Wright, uCurwin Bosch, uGarth April, uKobus Van Wyk, uLouis Schreuder, uLukhanyo Am, uLwazi Mvovo, uMakazole Mapimpi, uMarius Louw, uRobert Du Preez, noS’busiso Nkosi.

Isiyonke imidlalo yeSuper Rugby engempelasonto imi kanje:KUSASA NGOLWESIHLANU EWaikato: Chiefs vs Bulls 08h35. NGOMGQIBELO EFosyth Barr: Highlanders vs Crusaders 08h35. EGio: Brumbies vs Sharks 10h45 ENewlands: Stomers vs Blues 15h05

Emirates: Lions vs Sunwolves 17h15.

Velez Sarsfield: Jaguares vs Reds 23h40. NGESONTO ESydney Football: Waratahs vs Rebels 07h05.