ISASASA NGOHAMBO LWE-ARROWS
ABASAKWAZI ukulinda ukubhekisa amabombo eSpain abadlali beLamontville Golden Arrows Reserves eyizingqwele zeMultiChoice Diski Challenge (MDC).
I-Arrows Reserves izofulathela iNingizimu Afrika ngoMgqibelo ukuyothekela ulwazi eSpain.
USiboniso Conco ongomunye wabadlali be-Arrows Reserves, uthi iphezulu imimoya ekhempini njengoba sekubalwa izinsuku babhekise amabombo eSpain.
Uthi ucabanga ukuthi kuningi abazokufunda kuleliya lizwe njengoba abadlali abaningi be-Arrows Reserves benikwa ithuba esikwatini se-Absa Premiership.
“Luzoqina kakhulu ukhakhayi kithina ngoba iSpain ingelinye lamazwe ahamba phambili kunobhutshuzwayo. Likhulu isasasa ekhempini ngohambo. Okuhle ngathi wukuthi siziqeqesha ndawonye nesikimi esikhulu okwenza singabi nalo uvalo nokudlala nezi- kwati ezincane zamakilabhu amakhulu aseSpain,” kusho lo mdlali waseNtshawini, KwaDukuza.
UConco usadlale kanye kwiPremiership lapho bekhishwe khona yiKaizer Chiefs kwiNedbank Cup. Udlale ingcwenga yebhola kulo mdlalo.
Uhlelo oluphelele lwezinhlelo ze-Arrows Reserves eSpain lumi kanje:
Ngosuku loku-1: Ukubuka umdlalo weSpanish La Liga phakathi kweReal Madrid neGinora ngeSonto.
Ngosuku lwesi-2: weRayo Vallecano.
Ngosuku lwesi-3: Izoziqeqesha bese ivakashela eSantiago Bernabeu okuyinkundla yeMadrid.
Ngosuku lwesi-4: Izoziqeqesha bese ibhekisa amabombo eBarcelona.
Ngosuku lwesi-5: Izoziqeqesha bese ibhekana no-U/19 weBarcelona.
Ngosuku lwesi-6: Izoziqeqesha bese ivakashela eCamp Nou okuyikomkhulu leBarca.
Ngosuku lwesi-7: Izoziqeqesha bese ivakashela izindawo ezahlukene.
Ngosuku kwesi-8: Izoziqeqesha kuphela. Izobhekana no-U/19