KABENEME NGESIKWATI SIKA-BAXTER

ABATHANDI bebhola bazwakalise ukungagculiseki ngesikwati esiqokwe nguStuart Baxter ongumqeqeshi weqembu lesizwe lakuleli iBafana Bafana.

NgoLwesibili emini uBaxter umemezele isikwati sakhe sokuqala nonyaka eSafa House eNasrec, eSoweto.

Lesi sikwati sizogijima imidlalo yeFour Nations Cup Tournament zingama-22 kwephezulu isongwe zingama-25 eLevi Mwanawasa Stadium, eNdola, eZambia.

Abathandi bebhola ezinkundleni zokuxhumana bazwakalise ukungagculiseki ngesikwati sikaBaxter yize ethake iqembu ngabadlali abasebancane.

Bakhala ngokushiywa ngaphandle kukaSiyanda Xulu weMaritzburg United noLuvuyo Memela we-Orlando Pirates.

UBaxter uthi kukhona abadlali asazoqhube- ka nokubabukisisa angabakhohliwe.

Lo mqeqeshi uphinde wamemezela ukuthi ufuna uRhulani Mokwena ongumsizi womqeqeshi kwiBucs azoba ngumsizi wakhe.

Selilonke iqembu leBafana Bafana limi kanje: Konozinti: U-Itumeleng Khune, uBrandon Peterson, noDarren Keet. Kwabasemuva: uReeve Frosler, uRamahlwe Mphahlele, uDaniel Cardoso, uBuhlebuyeza Mkhwanazi, u-Innocent Maela, uS’fiso Hlanti, uThulani Hlatshwayo noMotjeka Madisha.

Kwabasesiswini: UKeagan Dolly, uThemba Zwane, uSiphesihle Ndlovu, uTeboho Mokoena, u-Aubrey Modiba, uThembinkosi Lorch, uDean Furman, uKamohelo Mokotjo, uBongani Zungu, uPhakamani Mahlambi noSibusiso Vilakazi.

Kubagadli: UPercy Tau, uLebo Mothiba noRyan Moon.