OWESIMAME OMPISHOLO KWESOKUPHATHA INYUVESI YASEKAPA
INYUVESI yaseCape Town isiqoke owesibili wesifazane womdabu ukuba ngumphathi wayo njengoba uSolwazi Mamokgethi Phakeng ( osesithombeni), ezongena kulesi sikhundla elandela uSolwazi Max Price ekuqaleni kukaNtulikazi (July) nonyaka.
USolwazi Phakeng ungowesibili ongowomdabu wesifazane ukuphatha lesi sikhundla kwazise uSolwazi Mamphela Ramphele naye uke wasiqhoqhobala phambilini. “Inhloso yami wukuba ngilethe izinguquko kule nyuvesi, ngibe ngakhela phezu komsebenzi wayo omuhle,” kusho yena.
Uthe akayithathi kancane eyokuqokelwa lesi sikhundla. Uthi ubengacabangi ukuthi le nyuvesi yaseCape Town isimlungele. Uthe ekuqaleni ubengazange asifake isicelo salesi sikhundla.
“B e nginga q i nise k i le ngokuthi yisikhathi esifanele yini lesi. Ukwesekwa wumkhandlu kungithobise kakhulu. Bengingacabangi ukuthi ngingathola amavoti angama-75%,” kusho yena.
USolwazi Price uthe lokhu kuhle kakhulu ngoba kufanele kuthathwe njengokuvuselela.
“Inyuvesi yedlule esikhathi- ni esineziyaluyalu eminyakeni embalwa edlule futhi isikhundla sokuba ngumphathi sinzima,” kusho yena. USolwazi Phakeng uyahlonishwa esifundweni i-Mathematics lapho eseshicilele imibhalo engaphezulu kwama-80. Ufike eNyuvesi yaseCape Town ngoNtulikazi wezi2016 kwathi ekuqaleni kowezi-2017 wangena esikhundleni sikaSolwazi Danie Viser njengephini lomphathi ophikweni lwezocwaningo (research a ndi n t e r na t i o naliza t i o n) kule nyuvesi.
Ochungechungeni lokuhlabana kwakhe kubalwa nokuba ngowokuqala womdabu waseNingizimu Afrika ukuphatha isikhundla sokuba ngomunye wosihlalo bocwaningo olwajutshwa yiIntenational Commission on Mathematical Instruction ngowezi-2008.